ەليزاۆەتا II حانشايىم ديەۆيد كامەروننىڭ وتستاۆكاسىن قابىلداعاننان كەيىن، كونسەرۆاتيۆتى پارتيانىڭ ليدەرى تەرەزا مەي رەسمي تۇردە ۇلىبريتانيانىڭ پرەمەر-مينيسترى قىزمەتىنە تاعايىندالدى.
مەي ۇلىبريتانيا ەۋرووداقتان شىققاننان كەيىن، ادىلەتسىزدىكپەن كۇرەسىپ، ەڭ ۇزدىك تاڭداۋلى ەل قۇرۋعا ۋادە بەردى. ول سونىمەن بىرگە ەو-دان شىعۋعا داۋىس بەرىپ، ءبولىنۋ الدىندا تۇرعان انگليا مەن ۋەلستىڭ جانە مۇشەلىكتى ساقتاپ قالۋعا تىلەك ءبىلدىرىپ وتىرعان شوتلانديا مەن سولستۇتىك يرلانديا ەلدەرىنىڭ بىرلىگىن ساقتاپ قالۋعا تىرىسامىن دەپ مالىمدەدى.
مەي سونىمەن بىرگە 23 ماۋسىمنان بەرى ۇلىبريتانيادا رەفەرەندۋم وتكەننەن كەيىن تۇراقسىزدىق كۇي كەشىپ كەلە جاتقان قارجى نارىعىن قالىپقا كەلتىرۋگە كۇش سالاتىنىن ايتتى. ونىڭ مينيسترلەر كابينەتىندە ەو-دان شىعۋ جونىندە كەلىسسوزدەر جۇرگىزەتىن جاڭا مينيسترلىك قىزمەت پايدا بولادى.
ەۋروكوميسسيانىڭ ءتوراعاسى جان-كلود يۋنكەر مەيدى بريۋسسەلمەن مۇمكىندىگىنشە تەزىرەك كەڭەسۋدى باستاۋعا شاقىردى. مۇنىڭ الدىندا جاڭا پرەمەر-مينيستر ەۋرووداقتى قۇرۋ جونىندەگى ليسسابون كەلىسىمىنىڭ 50-بابىن 2017 جىلعا دەيىن شەگەرۋلەرى مۇمكىن ەكەنىن جاريالاعان. ۇلىبريتانيانىڭ رەسمي تۇردە وداقتان شىعۋ پروسەستەرى ەكى جىلدان اسپاۋى ءتيىس.
