Elizaveta II hanshaiym Devid Kameronnyń otstavkasyn qabyldaǵannan keiin, Konservativti partiianyń lideri Tereza Mei resmi túrde Ulybritaniianyń premer-ministri qyzmetine taǵaiyndaldy.
Mei Ulybritaniia Eýroodaqtan shyqqannan keiin, ádiletsizdikpen kúresip, eń úzdik tańdaýly el qurýǵa ýáde berdi. Ol sonymen birge EO-dan shyǵýǵa daýys berip, bóliný aldynda turǵan Angliia men Ýelstiń jáne múshelikti saqtap qalýǵa tilek bildirip otyrǵan Shotlandiia men Solstútik Irlandiia elderiniń birligin saqtap qalýǵa tyrysamyn dep málimdedi.
Mei sonymen birge 23 maýsymnan beri Ulybritaniiada referendým ótkennen keiin turaqsyzdyq kúi keship kele jatqan qarjy naryǵyn qalypqa keltirýge kúsh salatynyn aitty. Onyń ministrler kabinetinde EO-dan shyǵý jóninde kelissózder júrgizetin jańa ministrlik qyzmet paida bolady.
Eýrokomissiianyń tóraǵasy Jan-Klod Iýnker Meidi Briýsselmen múmkindiginshe tezirek keńesýdi bastaýǵa shaqyrdy. Munyń aldynda jańa premer-ministr Eýroodaqty qurý jónindegi Lissabon kelisiminiń 50-babyn 2017 jylǵa deiin shegerýleri múmkin ekenin jariialaǵan. Ulybritaniianyń resmi túrde odaqtan shyǵý protsesteri eki jyldan aspaýy tiis.
