تالعاردا جاپپاي توبەلەس كەزىندە ءبىر توپ بۇزاقىنىڭ قولىنان قازا تاپقان 16 جاستاعى شەرزات بولاتتىڭ اپكەسى باقىت رەيموۆا “ميتينگىگە ۇندەگەنى ءۇشىن” دەگەن ايىپپەن 15 تاۋلىككە قامالىپ، سوت ونى قازاقستاننان دەپورتاسيالاۋ جونىندە شەشىم شىعاردى. وسى تۇستا “انامنان باسقا اسىراۋشىم جوق” دەپ دابىل قاققان رەيموۆانىڭ ۇلى مەملەكەت باسشىسى قاسىم-جومارت توقايەۆتان كومەك سۇرادى، دەپ حابارلايدى Dalanews.kz.
“قۇرمەتتى پرەزيدەنت قاسىم-جومارت كەمەل ۇلى! مەن مەيىربەك رەيموۆ — باقىت رەيموۆانىڭ بالاسىمىن. سوت انامدى 15 تاۋلىككە قاماپ، قازاقستاننان دەپورتاسيالاۋ جونىندە ۇكىم شىعارعان بولاتىن. ول كىسى مەنىڭ جالعىز اسىراۋشىم. ءوزىم كامەلەت جاسقا تولماعانمىن. مەكتەپتە 11-سىنىپتا وقيمىن. انامنان باسقا ەشكىمىم جوق. سوندىقتان انامنان ايىرماۋلارىڭىزدى سۇرايمىن. انامنىڭ قازاقستاننان باسقا باراتىن جەرى جوق. ەكەۋىمىز دە قازاقپىز. ەلىم ءۇشىن قىزمەت ەتكىم كەلەدى. ەگەر سوت انامدى ەل اۋماعىنان شىعارار بولسا، ءبىر-بىرىمىزدى بەس جىلعا دەيىن كورە المايمىز. بۇل ۇكىمدى ءوز باقىلاۋىڭىزعا الۋدى وتىنەمىن”، - دەيدى مەيىربەك.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 11 ادام ۇستالىپ، ۋاقىتشا ۇستاۋ يزولياتورىنا قاماۋعا الىندى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرقانات عايىپبايەۆ اجال قۇشتى. پوليسيا دەپارتامەنتىنىڭ الدىن الا دەرەكتەرى بويىنشا ونىڭ سۋيسيد جاساعانىن مالىمدەدى. وعان دالەل رەتىندە پوليسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
حابارلامادا ول تۋىسقاندارىمەن قوشتاسىپ، جيەنىنىڭ جانىنا جەرلەۋدى سۇراعان. بۇل فاكتى بويىنشا قىلمىستىق ءىس قوزعالدى.
ال 10 جەلتوقساندا ونىڭ ولىمىنە قاتىستى ساراپتاما قورىتىندىسى شىقتى.
"سوت-مەديسينالىق ساراپتامانىڭ الدىن الا بولجامى بوي̆ىنشا، 9 جەلتوقساندا تالعاردىڭ شەتىندە تابىلعان 30 جاستاعى ەر ادامنىڭ ءماي̆ءىتى ءوزىن-وزى اسۋ ارقىلى مەحانيكالىق اسفيكسيا ناتيجەسىندە بولعانىن كورسەتتى. دەنەسىندە زورلىق-زومبىلىق سيپاتتاعى بەلگىلەر جوق.
ساراپشىلارمەن انىقتالعان دەنە جاراقاتتارى، مىسالى، سترانگۋلياسيالىق جانە موي̆ىننىڭ ابرازيالارى اسىلعان ءجىپتى قولدانعان كەزىندە پاي̆دا بولاتىن جاراقاتتارعا ءساي̆كەس كەلەتىنىن كورسەتتى. بارلىق بەلگىلەر ءسۋيسيدتى كورسەتەدى، موي̆ىنىنداعى زاقىمدانۋ سيپاتى مۇنداي̆ جاعداي̆لارعا ءتان"، - دەلىنگەن حابارلامادا.
ال مارقۇم شەرزاتتىڭ اكەسى باۋىرى نۇرقانات عايىپبايەۆتى جەر قوينىنا تاپسىرعانان كەيىن، بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى.
"قارجاۋباي نۇرىموۆ پروكۋروردىڭ زاڭدى ساقتاۋ تۋرالى تۇسىندىرمەلەرىن ەلەمەدى. شەكتەن تىس اگرەسسيۆتى مىنەز-قۇلىق تانىتىپ، باسقالاردى وز-وزىنە قول جۇمسايمىن دەپ قورقىتتى. سونىمەن قاتار پوليسيا قىزمەتكەرىنە پىشاقپەن شابۋىل جاسادى. ونىڭ مىنەز-قۇلقى وزىنە دە، باسقالارعا دا ءقاۋىپ ءتوندىردى"، — دەلىنگەن حابارلامادا.
وسىلايشا شەرزات بولاتتىڭ اكەسى مەن اپكەسى قاماۋعا الىندى.
ەڭبەكشىقازاق اۋداندىق سوتى اكىمشىلىك ءىس جۇرگىزۋ تارتىبىمەن ىستەردى قاراۋ ناتيجەلەرى بويىنشا ازامات س. نۇرىموۆا ۇساق بۇزاقىلىق جاساعانى ءۇشىن (اقبتك 434-بابىنىڭ 1-بولىگى) 20 اەك مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى.
ق ر بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزعانى ءۇشىن (اقبتك 488- بابىنىڭ 8ء-بولىمى.) ازاماتتىعى جوق ادام جاساعان، ازاماتشا ب. رەيموۆا اكىمشىلىك تارتىپپەن 15 تاۋلىككە قاماۋعا الىنىپ، كەيىننەن ق ر شەگىنەن شىعارىپ جىبەرىلدى.
قوعامدىق ورىندا بالاعات سوزدەر ايتقانى، قۇقىق قورعاۋ ورگاندارىنىڭ قىزمەتكەرلەرىن قورلاپ، سونداي-اق قوعامدىق ءتارتىپ پەن ازاماتتاردىڭ تىنىشتىعىن بۇزاتىن اينالاسىنداعىلارعا قۇرمەتسىزدىك تانىتاتىن ىس-ارەكەتتەر جاساعانى جانە كولىك قۇرالدارىنىڭ قوزعالىسى ءۇشىن كەدەرگىلەر جاساعانى ءۇشىن قارجاۋباي نۇرىموۆ 15 تاۋلىككە اكىمشىلىك قاماۋعا الىندى.
