ديماشتىڭ قۇرمەتىنە ارناپ ءتۇرلى ءتاتتى تاعامدار دايىندالعان. نوريكو برۋنەل ەسىمدى جاپون قىزى ءبىر كۇن بويى ءتاتتى بالىشتەر ءپىسىرىپ، وندا ديماشتىڭ ەسىمىن ويىپ جازعان.
نيۋ-يوركتە 30 جىل ءومىر سۇرسە دە، نوريكو العاش رەت وزگە ەلدىڭ مادەنيەتىنە وسىنشالىقتى قاتتى قىزىعۋشىلىق تانىتقان.
– بىردە فەيسبۋكتەگى ءبىر دوسىم ديماشتىڭ ورىنداۋىنداعى S.O.S. ءانىنىڭ ۆيدەوسىن ءوز پاراقشاسىنا جۇكتەپتى. مەنىڭ كۇيەۋىم فرانسۋز بولعاندىقتان، ونىڭ وسى ءاندى تىڭداعانىن قالادىم. مەن ديماشتىڭ سول ورىنداۋىنا ءتانتى بولدىم. ءبىز ديماشتىڭ حالىقارالىق فان كلۋبىنىڭ مۇشەلەرىمىز (DKIFC)، سونىمەن قاتار ءبىزدىڭ كلۋب Dimash USA فان-كلۋبىنا دا جاتادى. ديماش اقش-قا كەلگەن سايىن ءبىز ونى بارىنشا قولداپ، جانكۇيەر بولامىز، – دەيدى نوريكو برۋنەل.
دەرەككوزى: weekend.bugin.kz
