امانتاي قاجىعا قاتىستى قىلمىستىق ٸس قوزعالدى

الماتىدا 83 جاستاعى امانتاي قاجىعا قاتىستى قىلمىستىق ٸس قوزعالدى, دەپ حابارلايدى Dalanews.kz.

تەرگەۋ مەلٸمەتٸنشە, ول 76 جاستاعى ەيەلدٸ باسپالداقتان يتەرٸپ جٸبەرگەن. سالدارىنان جەبٸرلەنۋشٸ جامباسىن سىندىرىپ, اۋرۋحاناعا تٷسكەن.

اتالعان فاكتٸ بويىنشا قىلمىستىق كودەكستٸڭ 107-بابى (“دەنساۋلىققا قاساقانا ورتاشا اۋىرلىقتاعى زييان كەلتٸرۋ”) بويىنشا ٸس قوزعالدى. كٸنەسٸ دەلەلدەنسە, وعان 2 جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.

ەسكە سالايىق, “اتتان” انتييادرولىق قوزعالىسىنىڭ بەلسەندٸسٸ امانتاي قاجى 76 جاستاعى ەيەلدٸ باسپالداقتان يتەرٸپ جٸبەردٸ دەگەن كٷدٸككە ٸلٸنگەن ەدٸ. جەبٸرلەنۋشٸنٸڭ قىزى رايسا بەسقاراعاەۆا اناسىنىڭ جاعدايىنا قاتتى الاڭداۋلى ەكەنٸن ايتىپ, وقيعانىڭ مەن-جايىن باياندادى.

“ول باستاپقىدا كٷزەتشٸمەن سٶيلەسٸپ تۇرعان. سول سەتتە امانتاي قاجى كەلٸپ, امانداسىپ, ٸشكە ٶتپەك بولعان. انام: «جۇما قابىل بولسىن» دەپ, جولىن بەرٸپ, الدىمەن ٶتكٸزٸپ جٸبەرەدٸ. ۆيدەوعا قاراساق, ول بۇرىلىپ, انامدى بار كٷشٸمەن يتەرٸپ جٸبەرەدٸ. انام باسپالداقتان قۇلاپ تٷسٸپ, قايتا تۇرا المادى. ەڭ سوراقىسى – ول مٷلدە كٶمەكتەسپەدٸ, جانىنا دا جاقىندامادى”, – دەيدٸ رايسا كتك ارناسىنا بەرگەن سۇقباتىندا.

ونىڭ سٶزٸنشە, بيعايشا بەكتەنباەۆانىڭ دەنساۋلىعىنا اۋىر زاقىم كەلگەن.

“قوس جامباسىنا تەمٸر پلاستينا قويىلدى. انامنىڭ جاسى ٷلكەن بولعاندىقتان, بۇل جاراقات ٶتە اۋىر تيدٸ. قازٸر ول مٷلدە جٷرە المايدى, تٶسەك تارتىپ جاتىر. جانى قاتتى قينالىپ جاتىر. بٸز جاقىن ارادا وڭالاتىنىنا ٷمٸت ارتىپ وتىرمىز. مەنٸڭ تالابىم – كٸنەلٸ ادام جاۋاپقا تارتىلۋى كەرەك. ساۋ ادامدى مٷگەدەككە اينالدىردى. مۇنداي ادام نەلٸكتەن قوعامعا قاۋٸپ تٶندٸرٸپ جٷرۋٸ تيٸس?” – دەيدٸ ول.

قازٸرگٸ تاڭدا 83 جاستاعى امانتاي قاجى جۋرناليستەرمەن بايلانىسقا شىقپاي, تەلەفون قوڭىراۋلارىنا جاۋاپ بەرمەي جٷر. بەلسەندٸنٸڭ ٷستٸنەن پوليتسييا قىلمىستىق ٸس قوزعادى.