"بٷگٸن اسىل ازامات, ارداقتى باۋىر, بٸلٸكتٸ تەلەجۋرناليست بەيسەن قۇرانبەك دٷنيەدەن ٶتتٸ. جٷرەگٸم ەزٸلٸپ, جانىم اۋىرىپ, كٶكٸرەگٸم قارس ايىرىلىپ وتىر. مەن بەيسەندٸ ەڭ الدىمەن ازاماتتىق بولمىسى, ادامي قاسيەتتەرٸ, شىنشىل مٸنەزٸ ٷشٸن جاقسى كٶرۋشٸ ەدٸم. ول جاعىنۋدى, كەمشٸلٸكتٸ جاسىرىپ-جابۋدى بٸلمەيتٸن. ەشقاشان اقيقاتتىڭ جولىنان اينىعان ەمەس. ماڭايىنا شۋاعىن شاشىپ, مەيٸرٸمٸن تٶگٸپ جٷرەتٸن جانى جارىق ازامات ەدٸ.
مەن əكٸم بولىپ تاعايىندالعاننان كەيٸن ەكٸنشٸ كٷنٸ كەلدٸ, "اعا, مەن قايتىپ كەلٸپ, سٸزبەن بٸرگە جۇمىس ٸستەگٸم كەلەدٸ", - دەدٸ. سودان بەرٸ بٸرنەشە جىل قويان-قولتىق جۇمىس ٸستەدٸك.
الماتى وبلىسىنىڭ «جەتٸسۋ» تەلەارناسىنا بٸلٸكتٸ باسشىلىق جاساپ, تەلەارنانىڭ بەدەلٸن كٶتەرۋگە, مازمۇندىق ساپاسىن جاقسارتۋعا زور ٷلەس قوستى. جۋرناليستەر ٷيٸ عيماراتىنىڭ سالىنۋىنا تٸكەلەي ىقپال ەتٸپ, وسى ٸستٸڭ باسى-قاسىندا جٷردٸ. جاس جۋرناليستەرگە تەلٸمگەر بولىپ, جولىن اشتى. اعاعا ٸنٸ, كٸشٸگە قامقور اعا بولا بٸلدٸ. «قازاقستان» تەلەارناسىنداعى «ايتۋعا وڭاي» باعدارلاماسى ارقىلى دا قانشاما مىڭداعان ادامعا كٶمەكتەستٸ.
مەن سوڭعى كٷنگە دەيٸن ونىڭ اۋرۋدى جەڭٸپ شىعاتىنىنا سەنٸپ ەدٸم. Əتتەڭ... بٸراق اجالعا اراشا جوق ەكەن... بەيسەن تۋرالى ٶتكەن شاقتا ايتۋدىڭ ٶزٸ اۋىر...
ارىس ازاماتىمىزدىڭ جاتقان جەرٸ جارىق, يمانى جولداس بولسىن! بەيسەننٸڭ جارقىن بەينەسٸ بٸزدٸڭ جادىمىزدا مەڭگٸ ساقتالادى", – دەيدٸ ايماق باسشىسى.
