«AMANAT» پارتيياسى جاستار قاناتىنىڭ كەزەكتەن تىس VI سەزٸندە قازاقستان پرەزيدەنتٸ قاسىم-جومارت توقاەۆ جاستار ٷشٸن ٷش ماڭىزدى باسىمدىقتى اتاپ ٶتكەن بولاتىن. ولار – تەرەڭ بٸلٸم, ەڭبەكقورلىق جەنە وتانشىلدىق قاسيەت. سول كەزدە جاستار قاناتىن ترانسفورماتسييالاۋ باعدارلاماسى قابىلداندى.
ٸس-شارانى اشقان «AMANAT» پارتيياسىنىڭ اتقارۋشى حاتشىسى اسحات ورالوۆ جاستار دامۋدىڭ نەگٸزگٸ قوزعاۋشى كٷشٸ سانالاتىنىن اتاپ ٶتتٸ.
«ەدٸلەتتٸ قازاقستان بٸلٸمدٸ جەنە ەڭبەكقور جاستاردىڭ كٷشٸمەن قۇرىلادى. ەلدەگٸ بارلىق باستامالار مەن رەفورمالار جاستارمەن بٸرگە ٸسكە اسىرىلىپ كەلەدٸ. جاس قازاقستاندىقتار ٶز قارىم-قابٸلەتٸن تانىتۋ ٷشٸن بارلىق مٷمكٸندٸككە يە بولۋى تيٸس. سوندىقتان, بيىل العاش رەت ٶتكٸزٸلٸپ وتىرعان «رۋحتاستار» سىيلىعى جاس ازاماتتاردى بەلسەندٸ قوعامدىق قىزمەتكە ىنتالاندىرۋعا جەنە جاستاردى ورتاق, جاسامپاز قۇندىلىقتار تٶڭٸرەگٸندە توپتاستىرۋعا باعىتتالعان», – دەدٸ اسحات ورالوۆ.
وسىلايشا, «قايسار» جىل باتىرى نوميناتسيياسىن بويىنشا جاڭاٶزەن قالاسىنىڭ پوليتسييا اعا لەيتەنانتى ەلٸبەك باسباەۆ جەڭٸسكە جەتتٸ. ول ٶز ٶمٸرٸنە قاتەر تٶنٸپ تۇرعانىنا قاراماستان, ٷشٸنشٸ قاباتتاعى پەتەردٸڭ تەرەزەسٸنە كٶتەرٸلٸپ, قۇلاپ كەتۋگە شاق قالعان اۋتيست بالانى قۇتقارىپ قالدى.
«پوليتسييا بٶلٸمٸنە حابارلاما كەلٸپ تٷستٸ. وندا تەرەزە الدىندا ەرەكشە بالا تۇرعانى جەنە ەسٸكتٸ ٶز بەتٸنشە اشا المايتىنى ايتىلدى. بٸز بٸردەن وقيعا ورنىنا كەلدٸك. مەن ەكٸنشٸ قاباتتاعى كٶرشٸ پەتەر ارقىلى ٷشٸنشٸ قاباتقا كٶتەرٸلدٸم. سٶيتٸپ, بالانى امان-ەسەن اناسىنا تابىس ەتتٸك. بۇل بٸزدٸڭ كٷندەلٸكتٸ جۇمىسىمىز. ماراپات تۋرالى ويلاعان دا ەمەسپٸن», – دەدٸ ەلٸبەك باسباەۆ.
«نۇرلى اقىل» جىل ستۋدەنتٸ نوميناتسيياسى بويىنشا جوعارى ٷلگەرٸمٸ مەن بەلسەندٸ قوعامدىق قىزمەتٸ ٷشٸن سەمەي قالاسىنىڭ ستۋدەنتٸ مەدينا بەيٸمبەتوۆا ماراپاتقا يە بولدى. ول بٷگٸندە جەتٸسۋ ۋنيۆەرسيتەتٸندەگٸ «Start up اكادەمييانىڭ» رەزيدەنتٸ. سونداي-اق, روبوتوتەحنيكا مەكتەبٸندە جۇمىس ٸستەيدٸ. بۇعان قوسا, وقۋشىلاردى تٷرلٸ وليمپيادالار مەن جارىستارعا دايىندايدى.
ٶسكەمەن قالاسىنان كەلگەن سىرىم ٶمٸرزاقوۆ «ىستىق قايرات» ەڭبەك ادامى نوميناتسيياسىندا جەڭٸسكە جەتتٸ. سىرىم قالالىق جەو-دا جەتەكشٸ ينجەنەر بولىپ جۇمىس ٸستەيدٸ. سونداي-اق, ول جۇمىس ٸستەپ قانا قويماي, جاستار اراسىنداعى قىزمەتٸن دە ۇتىمدى ٷيلەستٸرٸپ جٷر.
«جىلدىڭ ەكوبەلسەندٸسٸ» نوميناتسيياسىندا قوستاناي وبلىسىنىڭ فەدوروۆكا اۋىلىنىڭ كەسٸپكەرٸ ناۋرىزبەك بٸرماعامبەتوۆ جەڭٸسكە لايىق دەپ تانىلدى. ونىڭ ەسەبٸندە قورشاعان ورتانى قورعاۋ بويىنشا كٶپتەگەن جوبالار مەن ٸس-شارالار بار.
ال «جىلدىڭ ەلەۋمەتتٸك جوباسى» نوميناتسيياسى بويىنشا جەڭٸستٸ پەتروپاۆل قالاسىنان كەلگەن ستۋدەنت, «بارشاعا ارنالعان عىلىم» جوباسىنىڭ جەتەكشٸسٸ ۆالەرييا استاپوۆا جەنە «Tahtay Team» جەكپە-جەك كلۋبىنىڭ نەگٸزٸن قالاۋشى, MMA كەسٸبي سپورتشىسى, استانادان كەلگەن ۆاسيليي تاحتاي بٶلٸستٸ.
استانا قالاسىنان كەلگەن ستۋدەنت دياس تٷگەلباەۆ پەن تاراز قالاسىنان كەلگەن اياۋلىم راسىلحان «رۋحتى بەلسەندٸ» جىل بەلسەندٸسٸ نوميناتسيياسى بويىنشا جىلدىڭ ٷزدٸك بەلسەندٸلەرٸ اتاندى.
«پاندەمييانىڭ اسا اۋىر كەزەڭٸندە كٷن سايىن 300-دەن استام وتباسىعا ىستىق تاماق جەتكٸزٸپ جٷردٸك. كٶپبالالى جەنە از قامتىلعان وتباسىلارعا, زەينەتكەرلەرگە جەنە ەرەكشە قاجەتتٸلٸكتەرٸ بار ادامدارعا 120 مىڭنان استام مەديتسينالىق ماسكا تاراتتىق. ال ٷيدەن شىعا الماعاندارعا ازىق-تٷلٸك پەن دەرٸ-دەرمەك جەتكٸزدٸك. مەنٸڭ ويىمشا, ەربٸر قازاقستاندىق ازامات بەلسەندٸ بولىپ, اينالاسىنداعى جاعدايعا بەي-جاي قاراي الماۋى كەرەك. «AMANAT» پارتيياسىندا ەڭبەگٸمدٸ ەلەنٸپ جاتقانىنا قۋانىشتىمىن», – دەدٸ اياۋلىم راسىلحان.
«رۋحتاستار» سىيلىعى اياسىندا «جىلى جٷرەك» نوميناتسيياسى بويىنشا ورال قالاسىنىڭ تۇرعىنى تالعات شۋدابا جەنە قاراعاندىدان كەلگەن ستۋدەنت اقسانات تٶلەسوۆا ٷزدٸك ۆولونتەرلەر اتاندى. بەلگٸلٸ بەلسەندٸ ازامات, «بەلگٸسٸز قازاقستان» بلوگىنىڭ اۆتورى, استانالىق دياس كامەريدانوۆ «مەديا سالاسىنىڭ ٷزدٸگٸ» نوميناتسيياسى بويىنشا جەڭٸمپاز دەپ تانىلدى.
«قايىرىمدىلىق جەنە ۆولونتەرلٸك ٸسٸمەن 7 جىلدان بەرٸ اينالىسىپ كەلەمٸن. بٸز مۇقتاج ادامداردى ازىق-تٷلٸكپەن قامتىپ, كٶمەك كٶرسەتەمٸز. سونداي-اق, شالعاي اۋىلداردا قۇدىق قازامىز. بۇدان ٶزگە دە ەلەۋمەتتٸك جوبالاردى قولعا الىپ جٷرمٸز. مەن ٷشٸن ۆولونتەرلٸك قىزمەت – جٷرەك قالاۋى», – دەدٸ تالعات شۋدابا.
سونىمەن قاتار, م. ەۋەزوۆ اتىنداعى وڭتٷستٸك قازاقستان ۋنيۆەرسيتەتٸنٸڭ بٶلٸمشەسٸ جەنە الماتى قالاسى ەۋەزوۆ اۋداندىق بٶلٸمشەسٸ «جاستار رۋحى» جاستار قاناتىنىڭ ٷزدٸك بٶلٸمشەسٸ بولىپ تانىلدى.
«رۋحتاستار» سىيلىعى – بۇل جاي عانا جاقسى دوستارمەن جٷزدەسۋ جەنە بەلسەندٸلەردٸڭ ەڭبەگٸن قۇرمەتتەۋ ەمەس. بۇل – شالقار شابىت, ەلەۋمەتتٸك جۇمىسپەن اينالىسۋعا, مۇقتاج جاندارعا كٶمەكتەسۋگە, ٷيرەنۋگە, يگٸ جۇمىس ٸستەۋگە جەنە ارمانداۋعا ىنتالاندىرۋ. وسى شابىت ۇزاق ۋاقىت قاناتتاندىرادى دەپ سەنەمٸن موتيۆاتسييا ماعان ۇزاق ۋاقىت جەتەدٸ», – دەدٸ وڭتٷستٸك قازاقستان ۋنيۆەرسيتەتٸ جانىنداعى «جاستار رۋحى» بٶلٸمٸنٸڭ باسشىسى گٷلرۋح كۋدراتۋللاەۆا.
«جاستار رۋحى» جاستار قاناتىنىڭ پاۆلودار جەنە اقمولا وبلىستارىنداعى فيليالدارى «ٷزدٸك فيليال» نوميناتسيياسى بويىنشا جەڭٸمپاز اتاندى.
