اليمەنت تولەۋدەن جالتارىپ، شەتەلگە كەتكەن بورىشكەرلەردىڭ بەرەشەگى 47 ملن تەڭگەگە جەتتى، دەپ حابارلايدى Dalanews.kz.
ق ر ادىلەت ۆيسە-مينيسترى دانيەل ۆايسوۆتىڭ مالىمەتىنشە، شەتەلگە شىعىپ كەتكەن اليمەنت بورىشكەرلەرىنە قاتىستى ونداعان ورىنداۋ قاعازى تىركەلگەن.
ونىڭ ايتۋىنشا، بەرەشەكتىڭ باسىم بولىگى رەسەيگە تيەسىلى.
"رەسەيدە – 73 ورىنداۋ قاعازى (32 ملن تەڭگە)، وزبەكستاندا – 24 (11 ملن تەڭگە)، ۋكراينادا – 2، ازەربايجاندا – 1 ورىنداۋ قاعازى بار. قالعان سوما بەلارۋس پەن قىرعىزستانعا تيەسىلى"، – دەدى ۆيسە-مينيستر.
سونىمەن قاتار قازاقستاندا اليمەنت تولەۋدەن جالتارىپ جۇرگەن شەتەل ازاماتتارى دا بار ەكەنى ايتىلدى.
