بٷگٸن ەل تالاي جىل تارىعىپ تا, زارىعىپ تا كٷتكەن تاريحي وقيعا بولدى! «اق جول» پارتيياسىندا اق تٷيەنٸڭ قارنى جارىلدى! الاش كٶسەمٸ ەليحان بٶكەيحاننىڭ 150 جىلدىعىنا ارنالعان سالتاناتتى شارا – قازاقستان رەسپۋبليكاسىنىڭ ۇلتتىق بانكٸ شىعارعان مەرەيتويلىق ەستەلٸك مونەتانىڭ تانىستىرىلىم رەسٸمٸ ٶتتٸ.
2012 جىلى 7 قازاندا الاش اتاۋى قازاقستان پارلامەنتٸندە العاش رەت ەستٸلدٸ. «اق جول» دەموكراتييالىق پارتيياسى الاشتىڭ 95 جىلدىعىن اتاپ ٶتۋ جٶنٸندە ٷكٸمەت باسشىسىنا دەپۋتاتتىق ساۋال جولدادى. وسىندا العاش رەت الاش كٶسەمدەرٸ ەليحان بٶكەيحان, احمەت بايتۇرسىنۇلى, مٸرجاقىپ دۋلاتوۆ جەنە ت.ب. الاشتىق ارىستاردىڭ اتى اتالدى!
«اق جول» پارتيياسى 2015 جىلدىڭ قاراشاسىندا ەليحان بٶكەيحاننىڭ 150-جىلدىعى قۇرمەتٸنە ارنالعان ٸس-شارالارىن جالپىۇلتتىق دەڭگەيدە ۇيىمداستىرۋ جٶنٸندە قر ٷكٸمەتٸنە دەپۋتاتتىق ساۋال جولداعانىن جەنە ونى قولداعان جاۋاپ الىنعانى تۋرالى ەسكە سالا كەتەيٸك. سودان كەيٸن كٶپ كەشٸكپەي يۋنەسكو-نىڭ باس اسسامبلەياسى ەليحان بٶكەيحاننىڭ مەرەيتويلىق ٸس-شارالارىنا حالىقارالىق مەرتەبە بەرۋ جەنە ونى يۋنەسكو شەڭبەرٸندە ٶتكٸزۋ تۋرالى قارار قابىلداعانى بەلگٸلٸ. بۇل جولدا «اق جولمەن» بٸرگە تٸزە قوسىپ ەڭبەك ەتكەن سۇلتانحان اققۇلى باستاعان الاشتانۋشى عالىمدارعا دا العىس ايتامىز.
جيىندى جٷرگٸزٸپ وتىرعان «اق جول» دەموكراتييالىق پارتيياسى تٶراعاسى ازات پەرۋاشەۆ:
«بىلتىر يۋنەسكو حالىقارالىق ۇيىمىنىڭ شەشٸمٸمەن قازاق ەلٸنٸڭ كٶرنەكتٸ قايراتكەرٸ ەليحان بٶكەيحاننىڭ 150 جىلدىق مەرەيتويىن حالىقارالىق دەڭگەيدە اتاپ ٶتۋگە شەشٸم قابىلداندى. «اق جول» پارتيياسى وسى باعىتتا قوعامدىق-مەدەني بٸرقاتار شارالاردى اتقارىپ كەلەدٸ. الاش مۇراسى قازاق ەلٸن بٸرٸكتٸرەتٸن كٷش. قايراتكەردٸڭ 150 جىلدىعىنا ارنالعان مونەتانىڭ تۇساۋكەرەسٸنە كۋە بولىپ وتىرمىز. بۇل ٷلكەن قۋانىش»-دەپ اتاپ ٶتتٸ.
وسىلايشا ەليحان بٶكەيحان ەسٸمٸ ەلەمدٸك تاريحقا ەندٸ. «اق جولدىڭ» باستاماسىمەن مەرەكەلٸك پوشتالىق ماركا بيىلعى 12 شٸلدەدە جارىققا شىقتى. ەندٸ مٸنە, ۇلتتىق بانكٸ شىعارعان مەرەيتويلىق ەستەلٸك مونەتا قولىمىزعا تيٸپ وتىر!
ۇلتتىق بانككە راحمەت ايتا وتىرىپ, بٸر ەتتەگەنايى دا ايتىلماي قالمادى. ول الاش كٶسەمٸنٸڭ اتى مەن تەگٸ ۇلتتىق بانكتىڭ رەسمي تانىستىرىلىمىندا ەكٸ تٸلدە ەكٸ تٷرلٸ بولىپ جٷرگەنٸ. قازاقشاسىندا “ەليحان بٶكەيحان” دا, ورىسشاسىندا “اليحان بوكەيحانوۆ” بولىپ كەتكەن. ەليحاننىڭ تەگٸندە “وۆ” جالعاۋى بولماعانىن ازات پەرۋاشەۆ تا, سۇلتانحان اققۇلى دا ورىندى ەسكەرتٸپ كەتتٸ. ادامنىڭ ەكٸ تٷرلٸ اتى- تەگٸ بولمايتىنىن ۇلتتىق تٶلتەڭگەنٸ دە ەكٸ ەلدٸڭ تٸلٸندە جازاتىن ۇلتتىق بانك قايدان بٸلسٸن…
«اق جول» ەستەلٸك مونەتانى قىمبات باعالى مەتالدان, التىن نە كٷمٸستەن جاسالۋىن سۇراعان بولاتىن. بٸراق قاراپايىم مەتالدان 100 مىڭ دانامەن شىققان ەستەلٸك مونەتا ەكٸ-ٷش كٷندە لەزدە تارالىپ كەتٸپتٸ… وسىدان-اق, ەليحانعا دەگەن ەلدٸڭ زور ىقىلاسىن بايقاۋعا بولادى. ياعني, وسى قاراپايىم مونەتانىڭ قالىڭ قازاق ٷشٸن باعاسى جوق! الاش ٷشٸن التىننان دا قىمبات!
ەندەشە, الاش بالاسى قۋانىپ جاتقان ايتۋلى وقيعا قۇتتى بولسىن, قازاق ەلٸ!
قازىبەك يسا,
Qazaquni.kz
