استانادا ستالكينگ جاساعان ادام سوتتالدى, دەپ حابارلايدى Dalanews.kz.
قالا تۇرعىنى جەبٸرلەنۋشٸ ٶزٸمەن قارىم-قاتىناس ورناتقىسى كەلمەيتٸنٸن بٸلە تۇرا, التى اي بويى اڭدىعان.
بايلانىستى توقتاتۋ تۋرالى تالاپتاردى, مەسسەندجەرلەردەگٸ بۇعاتتاۋدى, سونداي-اق, قولدانىستاعى قورعاۋ نۇسقاماسىن ەلەمەي, ەر ادام جەبٸرلەنۋشٸنٸ قۋدالاپ, ونىڭ كەلٸسٸمٸنسٸز بەينەجازباعا تٷسٸرٸپ, پسيحولوگييالىق قىسىم كٶرسەتكەن.
سوت ٷكٸمٸمەن كٷدٸكتٸ ستالكينگ جاساعانى ٷشٸن كٸنەلٸ دەپ تانىلىپ, 100 ساعات قوعامدىق جۇمىستارعا تارتىلىپ, مورالدىق زييان ٶتەۋگە مٸندەتتەلدٸ. دەسە دە بۇعان دەيٸن بوستاندىعىن شەكتەۋ تٷرٸندەگٸ جازانى ٶتەپ, ونىڭ شارتتارىن بۇزعانىن ەسكەرە وتىرىپ, ٶتەلمەگەن جازا بٶلٸگٸ باس بوستاندىعىنان ايىرۋ جازاسىنا اۋىستىرىلعان.
سوت ٷكٸمٸ زاڭدى كٷشٸنە ەنگەن جوق.
ەسكە سالايىق, بۇعان دەيٸن شىمكەنتتە ستالكينگ جاساعان ەكٸ كٷدٸكتٸ قاماۋعا الىندى.
