قازاقستاندا جاڭا وقۋ جىلىندا ستۋدەنتتەر سانى 740 مىڭنان اسادى دەپ كٷتٸلەدٸ, دەپ حابارلايدى dalanews.kz.
جوعارى وقۋ ورىندارىنداعى نەگٸزگٸ مەسەلە الماتىداعى جاتاقحانا تاپشىلىعى بولىپ وتىر. قالادا 5 176 ورىن جەتٸسپەيدٸ, دەپ مەلٸمدەدٸ ٷكٸمەت وتىرىسىندا عىلىم جەنە جوعارى بٸلٸم مينيسترٸ ساياسات نۇربەك.
قازاقستاندا قازٸر 123 جوعارى وقۋ ورنى جۇمىس ٸستەيدٸ, ونىڭ 107-سٸ ازاماتتىق ۋنيۆەرسيتەتتەر. بيىل مەملەكەتتٸك گرانتتار سانى ٶتكەن جىلعى دەڭگەيدە ساقتالعان.
باكالاۆرياتقا قابىلداۋ 25 تامىزدا اياقتالادى. بيىل مەملەكەتتٸك گرانت كونكۋرسىنا شامامەن 127 مىڭ تالاپكەر قاتىسقان. بۇل ٶتكەن جىلمەن سالىستىرعاندا 14 مىڭ ادامعا كٶپ. كونكۋرس نەتيجەلەرٸ 7 تامىزدا جارييالانىپ, بٶلٸنگەن گرانتتاردىڭ 98 پايىزى يگەرٸلگەن.
مەملەكەتتٸك گرانتتاردان بٶلەك, ەكٸمدٸكتەر, جوعارى وقۋ ورىندارى, تٷرلٸ قورلار مەن رەكتورلاردىڭ ەسەبٸنەن شامامەن 5 مىڭ قوسىمشا گرانت قاراستىرىلىپ جاتىر. ماگيستراتۋرا مەن دوكتورانتۋراعا قابىلداۋ 28 تامىزعا دەيٸن جالعاسادى.
مينيسترلٸك جوعارى بٸلٸمنٸڭ ەڭبەك نارىعىمەن بايلانىسىن كٷشەيتۋگە دە باسىمدىق بەرٸپ وتىر. «سامۇرىق قازىنا» قورىنىڭ پورتفەلدٸك كومپانييالارىندا جىل سايىن شامامەن 10 مىڭ ستۋدەنت دۋالدى وقۋدان جەنە ٶندٸرٸستٸك پراكتيكادان ٶتەدٸ. 2026 جىلدىڭ العاشقى جارتىجىلدىعىندا بۇل فورماتقا 4 300-دەن استام ستۋدەنت تارتىلعان.
دۋالدى وقىتۋ تاۋ كەن ٸسٸ, ەنەرگەتيكا, IT, ەلەكتر تەحنيكاسى, تەمٸرجول كٶلٸگٸ, تەلەكوممۋنيكاتسييا, تسيفرلىق تەحنولوگييالار, رەسۋرستاردى ٶندٸرۋ جەنە ٶڭدەۋ سالالارىن قامتيدى.
جاڭا وقۋ جىلىندا قازاق زەرتتەۋ جاساندى ينتەللەكت ۋنيۆەرسيتەتٸ دە ستۋدەنت قابىلداي باستايدى. شامامەن 600 بٸلٸم الۋشى قابىلداۋ جوسپارلانعان. ونىڭ ٸشٸندە باكالاۆرياتقا 400 ستۋدەنت, ماگيستراتۋراعا 100 ادام قابىلدانادى. سونىمەن قاتار «سامۇرىق قازىنا» ٶزٸنٸڭ 100 قىزمەتكەرٸن MBA AI+X باعدارلاماسى بويىنشا وقىتۋدى جوسپارلاپ وتىر.
جوعارى بٸلٸم بەرۋ جٷيەسٸندە جاساندى ينتەللەكت تەحنولوگييالارىن قولدانۋ دا كەڭەيتٸلەدٸ. قازٸردٸڭ ٶزٸندە ۇبت سەرتيفيكاتى eGov جٷيەسٸندە قولجەتٸمدٸ, AI-پروكتورينگ پەن AI-Talapker ٸسكە قوسىلعان.
الداعى كەزەڭدە AI-Admission, AI-Onboarding, جەكە بٸلٸم بەرۋ تراەكتوريياسى, تسيفرلىق قۇزىرەتتەر پروفيلٸ, AI-Library, AI-پسيحولوگ جەنە AI-Career سيياقتى جاساندى ينتەللەكت شەشٸمدەرٸن وقۋ پروتسەسٸنە ەنگٸزۋ جوسپارلانعان.
ستۋدەنتتەرگە جاتاقحانا بەرۋ قىزمەتٸ 2024 جىلدان باستاپ پرواكتيۆتٸ فورماتقا كٶشٸرٸلگەن. 2025 جىلى وسى جٷيە ارقىلى 48 282 پرواكتيۆتٸ قىزمەت كٶرسەتٸلدٸ. جٷيە ستۋدەنتتٸڭ قاجەتتٸلٸگٸن اۆتوماتتى تٷردە انىقتاپ, ٶتٸنٸش قالىپتاستىرادى جەنە شەشٸم قابىلدانعاننان كەيٸن حابارلاما جٸبەرەدٸ.
مينيستردٸڭ ايتۋىنشا, رەسپۋبليكا بويىنشا جالپى جاتاقحانا تاپشىلىعى جوق. نەگٸزگٸ پروبلەما الماتىدا قالىپ وتىر.
2026 جىلى ەل بويىنشا 18 جاتاقحانانى ٸسكە قوسۋ جوسپارلانعان. ولاردىڭ جالپى سىيىمدىلىعى 6 857 ورىندى قۇرايدى. قازٸر 7 جاتاقحانانى ٸسكە قوسۋ جۇمىستارى جٷرگٸزٸلٸپ جاتىر, جىل سوڭىنا دەيٸن تاعى 11 جاتاقحانانى پايدالانۋعا بەرۋ كٶزدەلگەن.
الماتىدا حالىقارالىق بٸلٸم كورپوراتسيياسىنىڭ 339 ورىندىق جاتاقحاناسى بيىل پايدالانۋعا بەرٸلدٸ.
استانادا قازاق ۇلتتىق سپورت ۋنيۆەرسيتەتٸنٸڭ اۋماعىندا 1,5 مىڭنان استام ستۋدەنتكە ارنالعان ەكٸ جاتاقحانا دايىن. ولاردى 22 تامىزدا اشۋ جوسپارلانعان.
وقۋ جىلى باستالعان كەزدە ستۋدەنتتەردەن تٷسەتٸن ٶتٸنٸشتەردٸڭ نەگٸزگٸ بٶلٸگٸ جاتاقحاناعا ورنالاسۋعا قاتىستى بولادى. وسىعان بايلانىستى الماتىدا ستۋدەنتتەر مەن اتا انالارعا اقپارات بەرۋ ٷشٸن احۋالدىق ورتالىق جۇمىس ٸستەيدٸ. ٶتكەن جىلى ورتالىق 3 مىڭنان استام ستۋدەنتكە كٶمەك كٶرسەتكەن.
سونىمەن قاتار الماتىدا تۇراقتى جاتاقحانا تابىلعانعا دەيٸن ستۋدەنتتەردٸ ۋاقىتشا ورنالاستىرۋعا ارنالعان داعدارىس ورتالىعى جۇمىس ٸستەيدٸ. مۇندا 50 ورىن قاراستىرىلعان. بىلتىر ورتالىقتا 55 ستۋدەنت ۋاقىتشا ورنالاستىرىلىپ, كەيٸن تۇراقتى جاتاقحاناعا اۋىستىرىلعان.
بارلىق ٶڭٸردە ستۋدەنتتٸك ومبۋدسمەندەر دە جۇمىس ٸستەيدٸ. ولار وقۋ پروتسەسٸ, جاتاقحانا جەنە ەلەۋمەتتٸك مەسەلەلەر بويىنشا ستۋدەنتتەردٸڭ ٶتٸنٸشتەرٸن قاراۋعا كٶمەكتەسەدٸ.
