ەل تاريحىمەن تاعدىرى ساباقتاس جانداردىڭ دا قۇرىلتاي سايلاۋىنا قاتىسۋى ەرەكشە مەنگە يە. سولاردىڭ بٸرٸ – ۇلى وتان سوعىسىنىڭ ارداگەرٸ, عاسىر جاساعان زۇلحارناي سەيٸتوۆ, دەپ حابارلايدى dalanews.kz.
ول بٷگٸن ٷيٸندە ازاماتتىق مٸندەتٸن اتقارىپ, داۋىس بەردٸ.
مايدانگەردٸڭ سايلاۋعا قاتىسۋى ٷشٸن ۋچاسكەلٸك سايلاۋ كوميسسيياسىنىڭ مٷشەلەرٸ ٷيٸنە ارنايى بارىپ, داۋىس بەرۋگە جاعداي جاسادى. جاسىنا قاراماستان, زۇلحارناي سەيٸتۇلى ەلدە بولىپ جاتقان ماڭىزدى وقيعالارعا قىزىعۋشىلىق تانىتىپ, ٶزٸنٸڭ داۋىس بەرۋ قۇقىعىن پايدالانۋدى ماڭىزدى دەپ سانايدى.
ول ٷشٸن سايلاۋعا قاتىسۋ – جاي عانا داۋىس بەرۋ ەمەس, ازاماتتىق ۇستانىمىن بٸلدٸرٸپ, ەلدٸڭ بولاشاعىنا ٶز ٷلەسٸن قوسۋ.
سايلاۋعا بٸرٸنشٸ رەت قاتىسىپ, العاشقى قادامىن جاساعان جاستارمەن قاتار, اعا بۋىن ٶكٸلدەرٸ دە تاڭداۋ جاساۋدا. ولاردىڭ ٶنەگەسٸ ازاماتتىق جاۋاپكەرشٸلٸكتٸڭ جاسقا قارامايتىنىن كٶرسەتەدٸ.
