الماتىدا تٶرت قالالىق كەڭٸستٸك پەن الماتى جەنە ورتالىق ازييانىڭ ٶزگە دە قالالارىنان كەلگەن سۋرەتشٸلەردٸڭ شىعارمالارىن بٸرٸكتٸرگەن «Sayran قالالىق باعىتى» كٶرمە جوباسى باستالدى. بٸرنەشە اپتا بويى ٶنەر كٷندەلٸكتٸ قالالىق مارشرۋتتىڭ بٸر بٶلٸگٸنە اينالىپ, الماتىلىقتار مەن قالا قوناقتارىنا تانىس كٶشەلەرگە, ورىندارعا جەنە كٷندەلٸكتٸ ٶمٸرگە جاڭا قىرىنان قاراۋعا مٷمكٸندٸك بەرەدٸ.
Sayran – جوبانىڭ اتاۋى عانا ەمەس. ورتالىق ازييا مەدەنيەتٸندە بۇل سٶز سەرۋەندەۋمەن, قالانى ارالاۋمەن, كەشكٸ ۋاقىتتا قالاعا شىعۋمەن بايلانىستى. بۇل – ادامداردىڭ كەزدەسٸپ, ەڭگٸمەلەسٸپ, اينالاسىنا نازار اۋدارىپ, بٸرگە ۋاقىت ٶتكٸزەتٸن سەتٸ.
دەل وسى سەرۋەندەۋ جوبانىڭ نەگٸزگٸ قاعيداتىنا اينالدى. كٶرمە كٶرەرمەن ٷشٸن ٷيرەنشٸكتٸ بٸر عانا كەڭٸستٸككە شوعىرلانباي, Galeriya, Tereze, Bowler جەنە Gaka art space الاڭدارىن قامتىدى. وسىلايشا, بٸر لوكاتسييادان ەكٸنشٸسٸنە دەيٸنگٸ جولدىڭ ٶزٸ كٶركەمدٸك تەجٸريبەنٸڭ بٸر بٶلٸگٸنە اينالدى.
جوبا الماتىعا ورتالىق ازييانىڭ كەڭ اياسىنداعى مەدەني كونتەكست ارقىلى قاراۋدى ۇسىنادى. بٸر مارشرۋت اياسىندا الماتى, بٸشكەك, قاراعاندى, تاراز, سامارقاند جەنە دۋشانبە قالالارىمەن بايلانىستى وقيعالار مەن كٶركەمدٸك كٶزقاراستار توعىستى. مۇنداي شىعارماشىلىق ٷندەستٸك ٶڭٸر قالالارىنا ورتاق سيپاتتارعا, ولاردىڭ تاريحي جادىنا, مەدەني ەرەكشەلٸكتەرٸنە جەنە قالالىق ورتانى قابىلداۋدىڭ الۋان تٷرلٸ تەسٸلدەرٸنە نازار اۋدارۋعا مٷمكٸندٸك بەردٸ.
ەكسپوزيتسييادا كەسكٸندەمە, فوتوگرافييا, گرافيكا, كوللاج, كەراميكا, توقىما, ينفوگرافيكا جەنە زاماناۋي ارت-وبەكتٸلەر باعىتىندا جۇمىس ٸستەيتٸن جيىرمادان استام سۋرەتشٸ مەن شىعارماشىلىق ۇجىمنىڭ ەڭبەكتەرٸ ۇسىنىلدى.
جوباعا سوفييا كليشينا, ايشا مۋساەۆا, ەليا حاسانوۆا, Peshkom, مارات رايىمقۇلوۆ پەن سوناتا رايىمقۇلوۆا, مۋنارا ابدۋكاحاروۆا, دجوشيك مۋرزاحمەتوۆ, بەگيماي يساەۆا, اننا گريگوريانتس, SANO Collective, ماكسيم شۆەتسوۆ, مارييا كراپپ, كاتەرينا حالانسكايا, ينتيزور وتانييوزوۆا, الينا كيم, جاسمين نازار, شاحيزا قۋانىشبەكوۆا, الان مۋحيتدينوۆ, ارسەنيي كۋلاكوۆ, اجار ٶتەجان, انارا ابجانوۆا, راتمير رافيكوۆ, روزا بەكسۋلتانوۆا, Nur Yeşim Oktay جەنە باسقا دا اۆتورلار قاتىستى.
Sayran جوباسىنىڭ ەرەكشەلٸكتەرٸنٸڭ بٸرٸ – قالالىق ٶمٸرگە دەگەن ورتاق قىزىعۋشىلىق بٸرٸكتٸرگەن تاقىرىپتاردىڭ الۋان تٷرلٸلٸگٸ. سۋرەتشٸلەر بٸرەگەيلٸك پەن تاريحي جادى مەسەلەلەرٸنە نازار اۋدارىپ, قالا بەينەسٸن, ادامنىڭ قورشاعان ورتامەن بايلانىسىن, ەكولوگييانى, تابيعاتتى, سەۋلەت پەن كٷندەلٸكتٸ ٶمٸردٸ زەرتتەدٸ.
مەسەلەن, اجار ٶتەجاننىڭ Photo Vogue «Women by Women» جوباسى اياسىندا جاساعان سەريياسى ەيەل بولمىسىنىڭ كٷش-قۋاتىنىڭ قاينار كٶزدەرٸن ٸزدەۋگە جەنە ورتالىق ازييا ەيەلدەرٸنٸڭ بٸرەگەيلٸگٸن زەرتتەۋگە ارنالعان.
Peshkom بٸشكەكتەگٸ ەيەلدەر ەسٸمٸمەن بايلانىستى كٶشە اتاۋلارىنا ارنالعان زەرتتەۋٸن ۇسىنسا, مارات جەنە سوناتا رايىمقۇلوۆتاردىڭ «بيشكەك گوتيچەسكيي» سەريياسى قالاعا ٶزٸندٸك كٶركەمدٸك كٶزقاراستى كٶرسەتەدٸ.
جوبانىڭ جەكە بٸر باعىتى قالا ەكولوگيياسىنا ارنالدى. اۆتورلار ٶز جۇمىستارىندا اۋا ساپاسى, تۇتىنۋ مەدەنيەتٸ جەنە ماتەريالداردى قايتا پايدالانۋ مەسەلەلەرٸن كٶتەردٸ.
مىسالى, ارسەنيي كۋلاكوۆ مەتالل سىنىقتارىنان, قايتا ٶڭدەلگەن پلاستيكتەن, تۇرمىستىق تەحنيكا مەن ەلەكترونيكا بٶلشەكتەرٸنەن كينەتيكالىق ارت-وبەكتٸلەر جاساپ, قولدانىستان شىققان ماتەريالدارعا قوزعالىس پەن جاڭا ەنەرگييانىڭ بەينەسٸن بەردٸ.
قالا اۋاسىنىڭ تاقىرىبى ينتيزور وتانييوزوۆانىڭ جۇمىسىندا ەرەكشە سيپات الدى. سۋرەتشٸ الماتىداعى اۋانىڭ لاستانۋ مەسەلەسٸنە نازار اۋدارىپ قانا قويماي, ودان قورعانۋدىڭ كٷندەلٸكتٸ داعدىلارىنىڭ قورشاعان ورتاعا تيگٸزەتٸن ەسەرٸ تۋرالى وي قوزعادى.
جوبانىڭ كٶركەمدٸك بەزەندٸرٸلۋٸندە جاياۋ جٷرگٸنشٸلەر ٶتكەلٸنٸڭ جول بەلگٸسٸ ەرەكشە ورىن الدى. ەربٸر لوكاتسييانىڭ كٸرەبەرٸسٸنە ورناتىلعان تٶرت ٷلكەن بەلگٸ مارشرۋتتىڭ ۆيزۋالدى كٶرسەتكٸشٸنە جەنە Sayran يدەياسىنىڭ سيمۆولىنا اينالدى. ول قالا ٸشٸندە قوزعالىستى, سونداي-اق كٷندەلٸكتٸ تانىس كەڭٸستٸكتەن ٶنەر ەلەمٸنە ٶتۋدٸ بٸلدٸرەدٸ.
وسىلايشا, كٶرمە گالەرەيا مەن قالانىڭ اراسىنداعى شەكارانى ەدەيٸ جويدى. كافەلەر, بارلار جەنە قالا تۇرعىندارىنىڭ كٷندەلٸكتٸ ٶمٸرٸندەگٸ باسقا دا تانىس ورىندار كٶركەمدٸك مارشرۋتتىڭ بٸر بٶلٸگٸنە اينالسا, گالەرەيالار ٶنەر مەن قالالىق ورتانىڭ توعىساتىن اشىق كەڭٸستٸگٸنە اينالدى.
Efes Kazakhstan ماركەتينگ جٶنٸندەگٸ ديرەكتورى زەينەپ ەركان الپ:
«Sayran قالالىق باعىتى» – الماتىعا تانىس كٶشەلەر مەن مەكەنجايلاردىڭ جيىنتىعى رەتٸندە ەمەس, تۇرعىندارىمەن بٸرگە ٷنەمٸ ٶزگەرٸپ وتىراتىن تٸرٸ اعزا رەتٸندە قاراۋعا شاقىراتىن جوبا. بۇل – كٶشەلەر اراسىنداعى ادام, قالانىڭ تاريحي جادى, تابيعات جەنە ۋاقىت ٶتە كەلە قالانىڭ ەرقايسىمىزدىڭ بٸر بٶلشەگٸمٸزگە قالاي اينالاتىنى تۋرالى سەرۋەن بولدى», - دەپ اتاپ ٶتتٸ.
جوبا اياقتالعانىمەن, ونىڭ يدەياسى كٷندەلٸكتٸ سەرۋەندەردە, تانىس كٶشەلەردە جەنە قالاعا جاڭا كٶزقاراسپەن قاراۋدان جالعاسا بەرەدٸ.
Sayran – بۇل سەرۋەندەۋ كٷيٸ. كەيدە تانىس قالانى جاڭا قىرىنان كٶرۋ ٷشٸن جاي عانا كٶشەگە شىعۋ جەتكٸلٸكتٸ.
