كاسىپكەر اسەم كامەنيەۆا Almaty Business وڭىرلىك باعدارلاماسى بويىنشا ورتالىقتىڭ اشىلۋىنا «Almaty» MFO ج ش س ميكروقارجى ۇيىمى ارقىلى 2%-بەن 7 جىل مەرزىمگە 61 ملن. تەڭگە سوماسىندا جەڭىلدەتىلگەن نەسيە الدى.
مەملەكەتتىك نەسيەنىڭ ارقاسىندا كاسىپكەر قاجەتتى ءوفيستى ساتىپ الىپ، وندا جوندەۋ جۇمىستارىن جۇرگىزىپ، ءىشىن جيھازبەن تولتىردى. ايتا كەتۋ كەرەك، 2%-دىق جەڭىلدەتىلگەن نەسيە تەك الەۋمەتتىك وسال توپتاعى ازاماتتارعا عانا بەرىلەدى.
«قاراجات الۋ مەن ءۇشىن قيىن بولعان جوق. ءتىزىم بويىنشا قۇجاتتاردى تەز-تەز جيناپ، تاپسىردىم. مەملەكەتتىك قولداۋ ارقىلى مەن ەڭ باستى ماسەلەنى شەشتىم.
بۇعان دەيىن كەڭسە جالداۋ، ونىڭ جالعا الۋ باعاسىنىڭ ءوسۋى سىندى ءبىرقاتار پروبلەمالارعا تاپ بولاتىنمىن.
ەندى ەشتەڭەگە الاڭداماي، قولعا العان ءىسىمدى وركەندەتىپ، ونى دامىتۋمەن اينالىسا الامىن»، - دەيدى «ART Capital» جك باسشىسى اسەم كامەنيەۆا.
ءبىلىم بەرۋ ورتالىعىنىڭ باسشىسى الماتىدا بيزنەسكە جەڭىلدەتىلگەن نەسيە بەرۋ باعدارلاماسىنىڭ بار ەكەنى جونىندە قىزىن جۇمىسقا ورنالاستىرۋ ءۇشىن الەۋمەتتىك قىزمەتتەر ۇيىنە بارعاندا كەزدەيسوق ەستىپ قالعان.
«Almaty» مقۇ قىزمەتى تۋرالى ءبىز «Qoldaý» كاسىپكەرلىك ورتالىعىنىڭ وكىلى البينا نۇرعوجايەۆادان بىلدىك. اڭگىمەلەسۋ بارىسىندا بىزگە ءتيىمدى شارتتارمەن بيزنەس ءۇشىن وفيس ساتىپ الۋعا بولاتىنىن ايتتى. بۇل مەنى قىزىقتىردى، ويتكەنى مەن سول كەزدە وقۋ ورتالىعىنا وفيس جالدايتىنمىن، ال ونىڭ يەسى جالداۋ شارتتارىن ءجيى وزگەرتە بەرەتىن.
ەرەكشە اتاپ وتەتىن جايت - مەنەدجەرلەردىڭ سىپايىلىعى مەن بىلىمدىلىگى. «Almaty» مقۇ قىزمەتكەرى ەرجان ءاردايىم بايلانىستا بولدى. بارلىق سۇراقتارعا تۇسىنىكتى ەتىپ، مۇقيات جاۋاپ بەردى»، - دەيدى كاسىپكەر.
