Kásipker Ásem Kameneva Almaty Business óńirlik baǵdarlamasy boiynsha ortalyqtyń ashylýyna «Almaty» MFO JShS mikroqarjy uiymy arqyly 2%-ben 7 jyl merzimge 61 mln. teńge somasynda jeńildetilgen nesie aldy.
Memlekettik nesieniń arqasynda kásipker qajetti ofisti satyp alyp, onda jóndeý jumystaryn júrgizip, ishin jihazben toltyrdy. Aita ketý kerek, 2%-dyq jeńildetilgen nesie tek áleýmettik osal toptaǵy azamattarǵa ǵana beriledi.
«Qarajat alý men úshin qiyn bolǵan joq. Tizim boiynsha qujattardy tez-tez jinap, tapsyrdym. Memlekettik qoldaý arqyly men eń basty máseleni sheshtim.
Buǵan deiin keńse jaldaý, onyń jalǵa alý baǵasynyń ósýi syndy birqatar problemalarǵa tap bolatynmyn.
Endi eshteńege alańdamai, qolǵa alǵan isimdi órkendetip, ony damytýmen ainalysa alamyn», - deidi «ART Capital» JK basshysy Ásem Kameneva.
Bilim berý ortalyǵynyń basshysy Almatyda bizneske jeńildetilgen nesie berý baǵdarlamasynyń bar ekeni jóninde qyzyn jumysqa ornalastyrý úshin Áleýmettik qyzmetter úiine barǵanda kezdeisoq estip qalǵan.
«Almaty» MQU qyzmeti týraly biz «Qoldaý» kásipkerlik ortalyǵynyń ókili Albina Nurǵojaevadan bildik. Áńgimelesý barysynda bizge tiimdi sharttarmen biznes úshin ofis satyp alýǵa bolatynyn aitty. Bul meni qyzyqtyrdy, óitkeni men sol kezde oqý ortalyǵyna ofis jaldaitynmyn, al onyń iesi jaldaý sharttaryn jii ózgerte beretin.
Erekshe atap ótetin jait - menedjerlerdiń sypaiylyǵy men bilimdiligi. «Almaty» MQU qyzmetkeri Erjan árdaiym bailanysta boldy. Barlyq suraqtarǵa túsinikti etip, muqiiat jaýap berdi», - deidi kásipker.
