الماتىدا جىلۋ جەلٸلەرٸن جاڭعىرتۋ جۇمىستارىنا بايلانىستى بٸرنەشە كٶشەدە قوزعالىس ۋاقىتشا شەكتەلەدٸ, – دەپ حابارلايدى Dalanews.kz
30 مامىردان باستاپ 15 تامىزعا دەيٸن بۇقار جىراۋ جەلەكجولىندا بايتۇرسىنوۆ كٶشەسٸنەن باستاپ س.ماركوۆ كٶشەسٸنە دەيٸن سولتٷستٸك جاعىنان اۆتوكٶلٸك قوزعالىسى شەكتەلەدٸ. 29 مامىردان باستاپ بۇقار جىراۋ جەلەكجولىنىڭ وڭتٷستٸك جاعىمەن قوزعالىس قايتا ٸسكە قوسىلادى.
1 ماۋسىمنان باستاپ 20 تامىزعا دەيٸن سەتپاەۆ كٶشەسٸمەن ماسانچي كٶشەسٸنەن باستاپ بايتۇرسىنوۆ كٶشەسٸنە دەيٸن ەكٸ باعىتتا قوزعالىس شەكتەلەدٸ.
2 ماۋسىمنان باستاپ 20 تامىزعا دەيٸن عابدۋللين كٶشەسٸندە ريمسكيي-كورساكوۆ كٶشەسٸنەن باستاپ ناحيموۆ كٶشەسٸنە دەيٸن ەكٸ باعىتتا قوزعالىس شەكتەلەدٸ.
– ۋاقىتشا شەكتەۋلەر بۇل كٶشەلەردٸڭ استىمەن جٷرگٸزٸلگەن ماگيسترالدىق قۇبىرجول ۋچاسكەسٸن جاڭعىرتۋ بويىنشا جوسپارلى جۇمىستاردىڭ قاۋٸپسٸزدٸگٸن قامتاماسىز ەتۋ ٷشٸن ەنگٸزٸلەدٸ, - دەپ حابارلادى «الماتى جىلۋ جٷيەسٸ» جشس.
