ايتۋلى شارادا وقىتۋشىلاردى كاسىبي دامىتۋ جانە ۇزدىكسىز كاسىبي دامۋىن دەربەستەندىرۋ، باعدارلاۋ مەن ۇزدىكسىز ءبىلىم الۋ بويىنشا بىلىكتىلىكتى ارتتىرۋدى كوزدەيتىن سەمينار-ترەنينگكە «ورلەۋ» باۇو» اق فيليالى الماتى قالاسى بويىنشا پق باي قىزمەتكەرلەرى مەن 70-تەن اسا قازاق ءتىلى جانە قازاق ادەبيەتى ءپانىنىڭ مۇعالىمدەرى قاتىسقانىن ايتا كەتۋىمىز كەرەك.
سەميناردىڭ العاشقى كۇنى ءبىلىم سالاسىنداعى كوشباسشىلىق پەن مەنەدجمەنت ماگيسترى (ۇلىبريتانيا). ف.ع.ك. ەدىلباي تولەۋباي ۇلى وسپانوۆ مىرزا «اكادەميالىق جازىلىم: ەسسە جانە ونىڭ تۇرلەرى» تاقىرىبىندا اكادەميالىق ءماتىن رەتىندە ەسسەنىڭ وزگە جازبا جۇمىستارىنان ايىرماشىلىقتارىن ەگجەي-تەگجەيلى ءتۇسىندىرىپ، ەسسەنىڭ تۇرلەرىنە (ارگۋمەنتتىك، سالىستىرۋ ەسسەلەرى) جانە ولاردىڭ جازىلۋ قۇرىلىمدارىنا مىسالدار مەن ۇلگىلەر ارقىلى تالداۋ جاسادى.
ال ابىلاي حان اتىنداعى ءقازحقجاتۋ، قازاق فيلولوگياسى كافەدراسىنىڭ دوسەنتى، ف.ع.ك. زاۋىربەكوۆا گۇلحاديشا وعىزباي قىزى «قازاق ءتىلىن وقىتۋ ادىستەمەسىندەگى اۋدارما تەحنيكاسى» تاقىرىبىندا ءدارىس وقىپ، سەمينارعا قاتىسۋشىلاردىڭ سۇراقتارىنا جاۋاپ بەردى.
سەمينار ترەنينگتىڭ ءۇشىنشى كۇنى اباي اتىنداعى قازۇپۋ س.قيرابايەۆ اتىنداعى قازاق ءتىلى مەن ادەبيەتى كافەدراسىنىڭ اعا وقىتۋشىسى، PhD دوكتورى توقشىلىقوۆا گۇلناز بازارباي قىزى «ادەبي تەك جانە ونىڭ تۇرلەرى»، «ادەبي تەوريالىق ۇعىمداردى وقىتۋ جولدارى»، «ادەبي وبراز تۇرلەرى جانە ونىڭ جاسالۋ جولدارى» تاقىرىپتارى بويىنشا ادەبيەتتىڭ ەپيكالىق، ليريكالىق، درامالىق تەك بولىپ ءبولىنۋ سەبەبى، وزىندىك ەرەكشەلىگى مەن شارتتىلىقتارى؛ ادەبي تەك (جانر) تۇرلەرىنە جانە ءسوز ونەرىندەگى – اجارلاۋ، قۇبىلتۋ، ايشىقتاۋ تاسىلدەرىنە جان-جاقتى توقتالىپ، قۇندى ماعلۇماتتارمەن تانىستىردى.
سونىمەن قاتار، PhD دوكتورانت، ۋوريك ۋنيۆەرسيتەتىنەن مۇحتاروۆا انار ءنۇردىلدا قىزى «ءبىلىم بەرۋدەگى زەرتتەۋ ادىستەرى» تاقىرىبىندا ءدارىس وقىدى. ءبىلىم بەرۋدەگى زەرتتەۋ ادىستەرى تۋرالى تۇسىنىكتى دامىتۋعا باعىتتالعان ءدارىس بارىسىندا وقۋ ۇدەرىسىن زەرتتەۋدەگى ساپالىق جانە ساندىق ادىستەرىمەن قوسا ارالاس زەرتتەۋ ادىستەرى تۋرالى مول اقپارت بەرىلدى. انار ءنۇردىلدا قىزى زەرتتەۋ جوباسىنداعى زەرتتەۋ ديزاينى بولىمىنە توقتالىپ، ءتۇرلى مىسالدار كەلتىرىپ، ءوز تاجىريبەسىمەن ءبولىستى.
سەمينارعا قاتىسۋشىلار شەتەلدىك جانە وتاندىق عالىمدار مەن پراكتيك مۇعالىمدەر ءدارىس وقيتىن 80 ساعاتتىق سەمينار جۇمىسىنىڭ مازمۇندى، ءارى مۇعالىمدەرگە اسا قاجەت تاجىريبەگە باي ەكەندىگىن اتاپ ءوتىپ، ريزاشىلىقتارىن بىلدىرۋدە.
الداعى كۇندەرى سەمينار باعدارلاماسى بويىنشا الماتى قالاسىنداعى №8 گيمنازيانىڭ ءمۇعالىمى، ف.ع.ك. ابىكەيەۆا باقىتجان كەنشىم قىزى «ستيلدىك ەرەكشەلىكتەردى انىقتاۋ. ءارتۇرلى ستيلدە ماتىندەر قۇراستىرۋ» تاقىرىبىندا حات، حابارلاما، جارناما مازمۇنىن ءتۇسىنۋ، ستيلدىك ەرەكشەلىگىن انىقتاۋ، رەسمي ستيلدەگى ماتىندەردىڭ ستيلدىك ەرەكشەلىگىن انىقتاۋ (كۇندەلىك، مىنەزدەمە، تۇسىنىكتەمە، ءومىربايان، تۇيىندەمە)، رەسمي-ىسكەرلىك (ءوتىنىش، نۇسقاۋلىق، رەسمي قۇتتىقتاۋلار، ۇسىنىستار) سالاعا قاتىستى ماتىندەردىڭ تىلدىك ەرەكشەلىگىن انىقتاپ، تالداۋ جاساۋ، پۋبليسيستيكالىق ءستيلدىڭ (ماقالا، ينتەرۆيۋ، قىسقا وچەرك، جولداۋلار) تىلدىك ەرەكشەلىكتەرى ارقىلى ماتىندەردىڭ جانرىن انىقتاۋ، عىلىمي ستيلدە (اننوتاسيا، پىكىر، تەزيس، ماقالا، بايانداما، پرەزەنتاسيا) جازىلعان ەڭبەكتەردىڭ تىلدىك جانە جانرلىق ەرەكشەلىگىن انىقتاۋ ماسەلەلەرىنە جان-جاقتى توقتالىپ، تاجىريبەسىمەن بولىسەدى. سەمينار سوڭىندا وقىتۋشىلاردىڭ تاپسىرمالارىن ورىنداعان تىڭداۋشىلارعا سەرتيفيكاتتار بەرىلەدى.
ارينە، سەرتيفيكات مۇعالىمدەردىڭ پارتفوليوسى ءۇشىن قاجەت قۇجات، دەسەك تە سەميناردىڭ قۇندىلىعى الدەقايدا جوعارى ەكەندىگىن قاتىسۋشىلاردىڭ ارنايى بايلانىس توبىنداعى جازعان پىكىرلەرىنەن ايقىن اڭعارۋعا بولادى.
پەرۋزا اسىلبەك، «ورلەۋ» باۇو» اق فيليالى الماتى قالاسى بويىنشا پق باي
