بيىل تامىز ايىندا الماتى قالاسىندا مەكتەپ وقۋشىلارى اراسىندا روبوتوتەحنيكا بويىنشا First Global Challenge Central ASIA سايىسى وتەدى. ايماقتىق جارىستىڭ جەڭىمپازدارى 26-29 قىركۇيەكتە گرەكيانىڭ افينا قالاسىندا وتەتىن فينالعا قاتىسادى، دەپ حابارلايدى Dalanews.kz.
First Global Challenge - الەمنىڭ ءارتۇرلى ەلدەرىنەن كەلگەن جاستار قاتىساتىن روبوتوتەحنيكا بويىنشا حالىقارالىق جارىس. جارىستىڭ ماقساتى - جاستاردى عىلىم، تەحنولوگيا، ينجەنەريا جانە ماتەماتيكا (STEM) سالالارىندا ءبىلىم الۋعا ىنتالاندىرۋ جانە جاھاندىق ماسەلەلەردى شەشۋ داعدىلارىن دامىتۋ. بيىلعى جارىستىڭ تاقىرىبى - "Feeding the Future" جانە تۇراقتى ازىق-تۇلىك وندىرىسىنە ارنالعان. قاتىسۋشىلار حالىقتى تازا، ءقاۋىپسىز جانە قورەكتىك ازىق-تۇلىكپەن قامتاماسىز ەتۋگە قاتىستى كەدەرگىلەر مەن مۇمكىندىكتەردى زەرتتەپ، شەشىمدەر ۇسىنۋى ءتيىس. جارىستىڭ ۇيىمداستىرۋشىلارى – USTEM FOUNDATION.
استاناداعى دارىندى ەر بالالارعا ارنالعان ءبىلىم-يننوۆاسيا ليسەيىنىڭ وقۋشىلارىنان تۇراتىن Quattuor كومانداسى Central Asia FIRST Global Challenge 2024 بايقاۋىنا دايىندالۋدا. كوماندا مۇشەلەرى ەرجان بايبەك، قاسىمجان عالياسكار، انۋاربەك ۇلى ءىلياس نيازبەك، مۇحامەدجان جانە يسين سالاحاددين ازىق-تۇلىك قاۋىپسىزدىگى ماسەلەلەرىن زەرتتەپ، يننوۆاسيالىق شەشىم جوباسىن ازىرلەدى. Quattuor كومانداسى قازاق اگروتەحنيكالىق ۋنيۆەرسيتەتىنىڭ اگروەكولوگيالىق سىناق ورتالىعىندا زەرتحانالىق جۇمىستار جۇرگىزىپ، اگرونومدارمەن كاسىبي سۇحباتتار وتكىزدى. بۇل زەرتتەۋلەر توپىراق قۇنارسىزدانۋى مەن ەروزيادان كەيىن قالپىنا كەلتىرۋ ماسەلەلەرىن زەرتتەۋگە مۇمكىندىك بەردى.
قازاقستاننىڭ كەڭ دالالىق ايماقتارى مەن اۋىل شارۋاشىلىق جەرلەرى قۇنارسىزدانۋ جانە ەروزياعا ۇشىراۋدا. بۇل جاعدايلار جەردىڭ ارتىق پايدالانىلۋى، دۇرىس اگروتەحنيكالىق شارالاردىڭ ساقتالماۋى، كليماتتىق وزگەرىستەر جانە سۋ تاپشىلىعى سالدارىنان تۋىندايدى. ناتيجەسىندە جەرگىلىكتى اۋىل شارۋاشىلىعى ونىمدىلىگىنىڭ تومەندەۋى جانە ەكولوگيالىق تەپە-تەڭدىكتىڭ بۇزىلۋى بايقالادى. First Global Challenge-گە قاتىسۋ STEMء-بىلىم بەرۋدى دامىتۋعا ىقپال ەتەدى. بايقاۋ وقۋشىلاردى عىلىم مەن تەحنيكاعا قىزىقتىرىپ، عىلىمي ءبىلىم مەن تەحنولوگيالىق ساۋاتتىلىق دەڭگەيىن ارتتىرۋعا كومەكتەسەدى.
