الماتىدا اۋقىمدى قۇرىلىس جەنە جول جٶندەۋ جۇمىستارى ەلٸ دە جالعاسىپ جاتىر. سوعان وراي جول جۇمىستارىنىڭ ساپاسىنا باقىلاۋ كٷشەيدٸ, دەپ حابارلايدى Dalanews.kz.
پوليتسييا جۇمىستاردىڭ ساپاسى مەن ورىندالۋ مەرزٸمٸنە باقىلاۋدى كٷشەيتٸپ, زاڭبۇزۋشىلىقتار ٷشٸن لاۋازىمدى تۇلعالاردى جاۋاپكەرشٸلٸككە تارتىپ جاتىر.
رەسمي مەلٸمەت بويىنشا جىل اياعىنا دەيٸن قالاداعى تٷرلٸ شاعىناۋداندا 120 شاقىرىمنان اسا جول, تروتۋار, ۆەلوجول سالىنىپ, جٶندەۋدەن ٶتەدٸ. سونداي-اق, ايالداما كەشەندەرٸ مەن جەرٷستٸ ٶتكەلدەرٸ ورناتىلادى.
پوليتسييا بيىل سەگٸز ايدا جولدارعا 2 مىڭنان اسا تەكسەرٸس جٷرگٸزٸلٸپ, لاۋازىمدى جەنە زاڭدى تۇلعالارعا جالپى سوماسى 5,5 ميلليون تەڭگەگە 140 ەكٸمشٸلٸك حاتتاما تولتىرعان. 2 مىڭنان اسا قۇقىقبۇزۋشىلىقتى جويۋ تۋرالى نۇسقاۋ بەرٸلگەن. جول جامىلعىسى مەن ينفراقۇرىلىمدا 4 مىڭعا جۋىق اقاۋ انىقتالعان.
"جولداردى سالۋ مەن كٷتٸپ ۇستاۋ كەزٸندە زاڭبۇزۋشىلىقتارعا جول بەرگەن مەردٸگەر ۇيىمدار مەن لاۋازىمدى تۇلعالار ەكٸمشٸلٸك جاۋاپكەرشٸلٸككە تارتىلىپ جاتىر", – دەدٸ الماتى قالاسى پد ەكٸمشٸلٸك پوليتسييا باسقارماسى باستىعىنىڭ ورىنباسارى دارحان قىلىشباەۆ.
جول اكتيۆتەرٸ ساپاسىنىڭ ۇلتتىق ورتالىعى الماتى قالالىق فيليالىنىڭ بٶلٸم باسشىسى ايدار بەيسپەكوۆتٸڭ ايتۋىنشا, مەكەمە جىل باسىنان بەرٸ قالا كٶشەلەرٸنە 386 مەرتە تەكسەرٸسكە شىققان. 126 ولقىلىق انىقتالعان.
جول جابىنى مەن جول قۇرىلىسى ماتەريالدارىنان 825 سىناما الىنعان. ولاردىڭ 305-ٸ تالاپقا ساي بولماعان. قالالىق قۇرىلىستى سەۋلەت-قۇرىلىس باقىلاۋ باسقارماسىنا ٶرەسكەل ولقىلىقتار تۋرالى 7 مەرتە حات جازىلعان.
