س.امانكەلدىنىڭ مالىمەتى بويىنشا، سوڭعى 3 جىلدا مەگاپوليسكە جاقىن ورنالاسقان تاۋ شاتقالدارىنا قالا تۇرعىندارى مەن قوناقتارى ءجيى بارادى. تاۋ تۋريزمىنە دەگەن قىزىعۋشىلىق اسىرەسە پاندەميا كەزىندە ارتا ءتۇستى.
ىلە الاتاۋى تاۋلارىنداعى ىلە-الاتاۋ ۇلتتىق پاركى سۇيىكتى ورىن بولىپ سانالادى. مىسالى، تەك ءساۋىر جانە مامىر ايلارىندا ۇلتتىق پارككە 77 مىڭنان استام ادام كەلەدى. 2021 جىلدىڭ باسىنان باستاپ تاۋداعى جەدەل-قۇتقارۋ جاساعىنىڭ ماماندارى 26 ادامدى قۇتقاردى.
قالا اكىمى باقىتجان ساعىنتايەۆتىڭ تاپسىرماسى بويىنشا الماتى تۇرعىندارى مەن قوناقتارىنىڭ ءقاۋىپسىز جانە جايلى دەمالۋى ءۇشىن قاجەتتى جاعدايلار جاساۋ جوسپارى ازىرلەندى.
تاۋ باعىتتارىنىڭ شالعاي توراپتىق ۋچاسكەلەرىندە جازدىڭ سوڭىنا دەيىن تۋريستەردىڭ تۇراتىن 15 لاشىق سالىنادى. بۇگىندە دايىندىق جۇمىستارى ءجۇرىپ جاتىر. سونداي-اق، قۇتقارۋ وتريادتارى ءۇشىن دابىل تۇيمەلەرى بار 10 راديورەلەلىك دىڭگەك ورناتىلادى، - دەدى س.امانكەلدى.
ايتپاقشى، تاۋ ساياباقتارىندا تۋريستەر تۇنەپ، اۋا-رايى كەزىندە جىلىنۋعا مۇمكىندىك الادى. سونداي-اق، جەدەل مەديسينالىق كومەك جيىنتىعى (العاشقى مەديسينالىق كومەك جيناعى، مارشرۋت كارتالارى، ءموبيلدى قۇرىلعىلاردى زاريادتاۋ ستانسياسى، جىلى كورپە جانە ازىق-تۇلىك جيىنتىعى) بولادى.
لاشىقتاردا SOS سپۋتنيكتىك سيگنالىن قۇتقارۋشىلار پۋلتىنە بەرۋ ءۇشىن دابىل تۇيمەلەرى بار راديورەلەلىك دىڭگەكتەر ورناتىلاتىن بولادى. ماچتالار Wi-Fi تاراتۋ فۋنكسياسىمەن جابدىقتالعان.
قازىرگى كەزدە تاۋ قاۋىمداستىعىمەن بىرلەسىپ كەلەسى شاتقالداردا لوكاسيالار پىسىقتالۋدا: ورتا جانە تالعار، كىماسار، تۇيىك-سۋ، جوعارعى گورەلنيك، ۇلكەن الماتى شاتقالى، شۇكىر جانە پروحودنوە، - دەپ حابارلادى س.امانكەلدى.
جالپى، تۋريستىك ناۆيگاسيانىڭ ءبىرىڭعاي جۇيەسىن قۇرۋ جانە تاۋعا شىعۋ ءۇشىن "TAU Go" سمارت-ناۆيگاتورى تۇرىندەگى قوسىمشانى ىسكە قوسۋ بويىنشا جۇمىس جۇرگىزىلۋدە، ول تجد بازاسىمەن ينتەگراسيالاناتىن بولادى.
كىشى جانە ۇلكەن الماتى شاتقالدارىندا تاۋ قۇتقارۋشىلارىنىڭ جاساعى تاۋلىك بويى كەزەكشىلىك ەتەدى، سونداي-اق "تۇيىقسۋ" شاتقالىندا تىكۇشاق الاڭى ۇيىمداستىرىلادى.
الماتى اكىمى باقىتجان ساعىنتايەۆتىڭ تاپسىرماسى بويىنشا قالانىڭ تۋريزم باسقارماسى جۇيەلى نەگىزدە باعىتتاردى اباتتاندىرۋدا. بۇگىندە 500 شاقىرىم جول اباتتاندىرىلىپ، 1000 شاقىرىم تاۋ جولدارى سيفرلاندىرىلدى.
باعىتتار بويىنشا 26 اقپاراتتىق ستەند، 154 كورسەتكىش، 80 اقپاراتتىق قالقان، 14 اقپاراتتىق باعان، 163 ورىندىق جانە 68 كۇركە ورناتىلدى. بارلىق ناۆيگاسيالىق ستەندتەردە QR-كودتارى بار، وندا تۋريستەر مارشرۋتتىڭ كۇردەلىلىگىمەن، ونىڭ ۇزاقتىعىمەن جانە ءوتۋ ۋاقىتىمەن تانىسا الادى، - دەپ اتاپ ءوتتى تاۋدا پايدا بولعان جاڭالىقتاردى سپيكەر.
بيىلعى جىلى جالپى ۇزىندىعى 172 كم بولاتىن ۇلكەن جانە كىشى الماتى شاتقالىنداعى جاياۋ تاۋ جولدارى قوسىمشا اباتتاندىرىلادى.
