الماتى ماڭىنداعى تاۋعا سەرۋەندەۋگە شىعىپ, حابار-وشارسىز كەتكەن 18 جاستاعى اقىلبەك نۇريسلامنىڭ مەيٸتٸ تابىلدى. بۇل اقپاراتتى پوليتسييا مەن ەرٸكتٸلەر راستادى, دەپ حابارلايدى Dalanews.kz.
جاس جٸگٸت 2 شٸلدە كٷنٸ تاۋعا شىققان سوڭ قايتىپ ورالماعان. ٸزدەستٸرۋ جۇمىستارىنا 40-تان استام ادام جۇمىلدىرىلدى. قۇتقارۋ وپەراتسيياسىنا تٶتەنشە جاعدايلار دەپارتامەنتٸنٸڭ ماماندارى, پوليتسييا قىزمەتكەرلەرٸ, ەرٸكتٸلەر, كينولوگتار مەن دروندار قاتىسقان.
پوليتسييانىڭ حابارلاۋىنشا, مارقۇمنىڭ دەنەسٸنەن زورلىق-زومبىلىق بەلگٸلەرٸ انىقتالماعان. ٶلٸمنٸڭ ناقتى سەبەبٸن انىقتاۋ ٷشٸن سوت-مەديتسينالىق ساراپتاما تاعايىندالدى.
