الماتى وبلىسىندا جىلىتۋ ماۋسىمىنا دايىندىق جۇمىستارى قارقىندى جۇرگىزىلۋدە. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە ايتىلدى، دەپ حابارلايدى Dalanews.kz.
الماتى وبلىستىق ەنەرگەتيكا جانە تۇكش باسقارماسىنىڭ وكىلى ەرجان بەيبىت ۇلىنىڭ ايتۋىنشا، وبلىس بويىنشا 43 قازاندىقتىڭ جوندەۋ جۇمىستارى اياقتالىپ، ولاردىڭ قۋاتتىلىعى مەن تيىمدىلىگى ارتتى.
ىلە اۋدانىنىڭ بورالداي جانە بايكەن اۋىلدارىنداعى قازاندىقتاردى جاڭعىرتۋعا قوسىمشا قارجى ءبولىنىپ، جۇمىستاردىڭ 50%-ى اياقتالدى. اتالعان 5 قازاندىقتىڭ جۇمىسى قازان ايىندا اياقتالادى دەپ جوسپارلانعان.
سونىمەن قاتار، تۇرعىندارعا قاجەتتى 714 مىڭ توننا كومىر جەتكىزۋ ءۇشىن كەلىسىمشارتتار جاسالدى. قازىرگى ۋاقىتتا وڭىرگە 125،1 مىڭ توننا كومىر جەتكىزىلىپ، ورتاشا باعاسى تونناسىنا 18 500-23 000 تەڭگەنى قۇرايدى. كومىر ساپاسى مەن قولجەتىمدىلىگىن قامتاماسىز ەتۋ ماقساتىندا بارلىق وپەراتورلار قاتاڭ قاداعالانادى»، – دەدى ەرجان بەيبىت ۇلى.
سونداي-اق وڭىردە ەلەكترمەن جابدىقتاۋ جەلىلەرىن جاڭارتۋ دا بەلسەندى تۇردە جۇزەگە اسىرىلۋدا. 1 185 كم ەلەكتر جەلىسىن جوندەۋ جوسپارلانىپ، ونىڭ ىشىندە كۇردەلى جوندەۋدىڭ 85%-ى، اعىمداعى جوندەۋدىڭ 75%-ى اياقتالعان. بۇل شارالار جەلىلەردىڭ توزۋىن 5%-عا تومەندەتۋگە جانە تۇرعىنداردى تۇراقتى ەلەكتر قۋاتىمەن قامتاماسىز ەتۋگە باعىتتالعان.
ال وبلىستىق توتەنشە جاعدايلار دەپارتامەنتىنىڭ مەملەكەتتىك ءورت باقىلاۋ باسقارماسىنىڭ باس مامانى ميراس نۇرباي ۇلىنىڭ سوزىنشە، ءورت قاۋىپسىزدىگىن كۇشەيتۋ ماقساتىندا الەۋمەتتىك وسال توپتاردىڭ ۇيلەرىنە كومىرتەگى توتىعىن انىقتايتىن 787 داچيك ورناتۋ جۇمىستارى جۇرگىزىلۋدە.
"بۇل شارالار تۇرعىنداردىڭ قاۋىپسىزدىگىن ارتتىرۋعا جانە جىلىتۋ ماۋسىمىنىڭ كەدەرگىسىز وتۋىنە باعىتتالعان. داچيكتەر الەۋمەتتىك وسال توپتاردىڭ ۇيلەرىنە تەگىن ورناتىلادى. ونىمەن قاتار تۇرعىندارعا ءورت قاۋىپسىزدىگى بويىنشا ءتۇسىندىرۋ جۇمىستارى جۇرگىزىلىپ جاتىر"، – دەدى توتەنشە مامانى.
ايتا كەتۋ كەرەك، وڭىردە قازاندىقتاردىڭ تيىمدىلىگىن ارتتىرۋ مەن تۇرعىنداردىڭ قاۋىپسىزدىگىن قامتاماسىز ەتۋگە باعىتتالعان بۇل شارالار قىسقى ماۋسىمنىڭ كەدەرگىسىز وتۋىنە سەپتىگىن تيگىزبەك.
