كەربۇلاق اۋدانىنىڭ 1973 جىلى جانە 1991 جىلى تۋعان تۇرعىندارى - بۇعان دەيىن 17 ساۋىردە اتى جامان ىندەتكە شالدىققان اداممەن بايلانىستا بولعاندار. ال، ەڭبەكشىقازاق اۋدانىندا ىندەتتىڭ ىلمەگىنە ىلىككەن 2006 جىلعى ءجاسوسپىرىمنىڭ ازىرگە ۆيرۋستى كىمنەن جۇقتىرعانى بەلگىسىز. اناسىنىڭ ايتۋىنشا، بالاسى ەشكىممەن بايلانىستا بولماعان. «ۇلتتىق ساراپتاما ورتالىعى» شجق رمك وبلىستىق فيليالىندا ءۇش پاسيەنتكە جاسالعان لابوراتوريالىق زەرتتەۋلەر وڭ ناتيجە كورسەتتى. ءقازىر ولار ەڭبەكشىقازاق اۋداندىق كوپ سالالى اۋرۋحاناسىنىڭ ينفەكسيالىق بولىمىنە جاتقىزىلدى.
كەسەلدىڭ كەساپاتى تيگەن جاندارمەن بايلانىس ورناتقاندار سانى – 24. سولاردىڭ ىشىندە ءۇي جاعدايىندا بايلانىستا بولعان 12ء-سى ءۇي كارانتينىنە الىنسا، سىرتتا قارىم-قاتىناس جاساعان 12ء-سى پروۆيزورلىق ستاسيونارعا جاتقىزىلدى. ولاردىڭ بارلىعىنان ۆيرۋسولوگيالىق اناليز الىندى.
جالپى الماتى وبلىسىندا COVID-19 ينفەكسياسىن جۇقتىرعاندار سانى 44-گە جەتتى.
انار سابىروۆا
