Kerbulaq aýdanynyń 1973 jyly jáne 1991 jyly týǵan turǵyndary - buǵan deıin 17 sáýirde aty jaman indetke shaldyqqan adammen baılanysta bolǵandar. Al, Eńbekshiqazaq aýdanynda indettiń ilmegine ilikken 2006 jylǵy jasóspirimniń ázirge vırýsty kimnen juqtyrǵany belgisiz. Anasynyń aıtýynsha, balasy eshkimmen baılanysta bolmaǵan. «Ulttyq saraptama ortalyǵy» SHJQ RMK oblystyq fılıalynda úsh pasıentke jasalǵan laboratorıalyq zertteýler oń nátıje kórsetti. Qazir olar Eńbekshiqazaq aýdandyq kóp salaly aýrýhanasynyń ınfeksıalyq bólimine jatqyzyldy.
Keseldiń kesapaty tıgen jandarmen baılanys ornatqandar sany – 24. Solardyń ishinde úı jaǵdaıynda baılanysta bolǵan 12-si úı karantınine alynsa, syrtta qarym-qatynas jasaǵan 12-si provızorlyq stasıonarǵa jatqyzyldy. Olardyń barlyǵynan vırýsologıalyq analız alyndy.
Jalpy Almaty oblysynda COVID-19 ınfeksıasyn juqtyrǵandar sany 44-ge jetti.
Anar SABYROVA
