سوت ونى لەيتەنانت اتاعىنان ايىردى.
ايتا كەتەيٸك, بۇعان دەيٸن جەتٸسۋ وبلىسى سارىٶزەك كەنتٸندەگٸ №29108 ەسكەري بٶلٸمٸندە بورىشىن ٶتەپ جٷرٸپ «تاياق جەگەنٸن» ايتقان, كەيٸن گوسپيتالدە كٶز جۇمعان سارباز دوسىمجان سەلٸمجان تۋىستارىنان جيٸ اقشا سۇراعانى حابارلاندى. جاقىندارىنىڭ ايتۋىنشا, ولار جارتى جىل ٸشٸندە ساربازعا جيىنى 300 مىڭ تەڭگەگە جۋىق اقشا سالعان.
دوسىمجان سەلٸمجاننىڭ اناسى ارداق يمانعاليەۆانىڭ سٶزٸنشە, ۇلى تاماققا دەپ كٶپ اقشا سۇراعان, كەيدە ول اقشانى ەسكەري بٶلٸمگە ا4 قاعازىن ساتىپ الۋعا جۇمسايتىنىن ايتقان.
21 قازاندا الماتى گارنيزونى ەسكەري سوتىندا سارباز ٸسٸ بويىنشا ەكٸنشٸ سوت وتىرىسى ٶتتٸ. بۇل ٸستە باتالون كومانديرٸ جانبوتا شەكٸروۆكە «بيلٸگٸن اسىرا پايدالاندى» دەگەن ايىپ تاعىلعان. لەيتەنانت شەكٸروۆ تاعىلعان ايىپقا كەلٸسپەيدٸ.
قاتارداعى جاۋىنگەر بولعان دوسىمجان سەلٸمجاننىڭ ەكەسٸ بەركٸن بەكمۋرزيننٸڭ ايتۋىنشا, ولار كومانديردٸڭ شوتىنا كەمٸ 7-8 رەت اقشا سالعان. شەكٸروۆ «ول اقشانى ساربازدىڭ ٶزٸنە بەردٸم» دەدٸ.
«اقشانى ٶزٸمە العان جوقپىن. ٶزدەرٸ دٷكەنگە جۇمسادى, دونەر الدى, تەتتٸ الدى. ونىڭ 1100-1500 تەڭگەسٸن نە ٸستەيمٸن, بايىپ كەتپەيمٸن عوي», – دەدٸ ايىپتالۋشى جانبوتا شەكٸروۆ ازاتتىققا.
كومانديردٸڭ ەكەسٸ ايتباي شەكٸرۇلى «ٸس ويدان قۇراستىرىلعان» دەپ ەسەپتەيدٸ.
– جالعىز مەنٸڭ بالامدى عانا كٸنەلاپ وتىر. باسقا ەشتەڭە جوق. [قول كٶتەرگەنٸنە] سەنبەيمٸن, مەن بالامدى ولاي تەربيەلەگەن جوقپىن, قول كٶتەرسٸن دەپ. ول ٶزٸ ابىرويلى بولعان بالا. وسىنىڭ بەرٸ قۇرالعان ەرتەگٸ, [مارقۇم ساربازدىڭ] اناسى [ويدان] قۇراپ العان, – دەدٸ ول.
دوسىمجان سەلٸمجانمەن بٸرگە بورىشىن ٶتەگەن ساربازدار سوت تەرگەۋٸندە جاۋاپ بەردٸ. ولاردىڭ ايتۋىنشا, دوسىمجان ەسكەردە باتالون كومانديرٸنٸڭ كابينەتٸندە كومپيۋتەردە جۇمىس ٸستەپ, قاعاز شىعارۋمەن اينالىسقان. كۋەلەردٸڭ ايتۋىنشا, دوسىمجان قاعاز تولتىرعاندا قاتە جٸبەرسە, كوماندير شەكٸروۆ ونىڭ بٷيرەك تۇسىنان جۇدىرىقپەن, باسىنان شاپالاقپەن ۇرعان.
ايىپتالۋشى شەكٸروۆ ازاتتىققا «كوماندير رەتٸندە كەمشٸلٸكتەرٸنە قاتاڭ قارايمىن, تەرتٸپ بۇزسا, قاتتى ۇرىسقان كەزٸم بولعان شىعار, بٸراق قول كٶتەرگەن جوقپىن» دەدٸ.
مارقۇم ساربازدىڭ اناسى ارداق يمانعاليەۆا دوسىمجانعا قاتىستى بۇدان بٶلەك تاعى ەكٸ ٸس اشىلعانىن ايتتى. ونىڭ سٶزٸنشە, «الاياقتىق» بابى بويىنشا قوزعالعان ٸستە ەسكەرگە دوسىمجاننان جارتى جىل بۇرىن ەرتە بارعان ەسكەري قىزمەتكەر ونىڭ اتىنان 180 مىڭ تەڭگە نەسيە العان. ول ايىبىن مويىنداعان دەدٸ ارداق يمانعاليەۆا. ەكٸنشٸ ٸس «مەديتسينا قىزمەتكەرٸ مٸندەتٸن تيٸستٸ تٷردە ورىندامادى» دەگەن باپ بويىنشا قوزعالعان.
19 جاستاعى دوسىمجان سەلٸمجان بىلتىر قازاننىڭ ورتاسىندا ەسكەرگە مٸندەتتٸ بورىشىن ٶتەۋگە بارعان. بيىل 13 مامىردا الماتىداعى ەسكەري گوسپيتالدە كٶز جۇمدى. كلينيكالىق دياگنوزدا سارباز ٶلٸمٸنە «بٷيرەك اۋرۋى» سەبەپ بولعان دەپ كٶرسەتٸلگەن. اتا-اناسى دوسىمجاننىڭ قازاسى ونىڭ ەسكەردە «تاياق جەگەنٸنٸڭ تٸكەلەي سالدارى» دەپ سانايدى.
