الەۋمەتتىك مەديسينالىق ساقتاندىرۋ قورى مەن «سك فارماسيا» باسشىلارى جۇمىستان شىعارىلدى

Dalanews 10 ءشىل. 2020 08:57 461

قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى بولىپ ءوتتى. باسقوسۋدا مەملەكەت باسشىسى ءمامس قورى مەن «سك فارماسيا» باسشىلارىن جۇمىستان شىعارۋدى تاپسىردى دەپ حابارلايدى Dalanews.kz اقپارات اگەنتتىگى.

– تۋىنداعان قيىندىققا كىنالىلەردىڭ بارىنە قاتىستى تەرگەۋ جۇرگىزۋ كەرەك. جاۋاپكەرشىلىككە تارتقان دۇرىس. ءمامس قورى مەن «سك فارماسيا» باسشىلارى جۇمىستان شىعارىلسىن. كەرەك بولسا تەرگەۋ جۇرگىزگەن ءجون، – دەدى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا.


جيىندا ۇكىمەت 2020 جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىسى تۋرالى ەسەپ بەرۋدە. سونداي-اق، كوروناۆيرۋسقا قارسى كۇرەسكە قاتىستى قابىلدانعان شارالار، مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلادى.

ۇسىنىلعان
سوڭعى جاڭالىقتار