حالىقارالىق جاستار سەمينارىنىڭ باستى ماقساتى – شىعىس پەن باتىس وقىتۋشىلارى مەن ستۋدەنتتەرى اراسىنداعى وتاندىق جانە شەتەلدىك مادەنيەت پەن ءسان تۋرالى اشىق ديالوگقا جاعداي جاساۋ.
حالىقارالىق سەميناردىڭ اشىلۋىنا اباي اتىنداعى قازۇپۋ رەكتورى تاكير بالىقبايەۆ، DAAD اقپاراتتىق ورتالىعىنىڭ جەتەكشىسى بارتولومەۋس مينكوۆسكي، حالىقارالىق ىنتىماقتاستىق جانە ستراتەگيا دەپارتامەنتىنىڭ باسشىسى يوحانەس لەبفرومم، فرايبۋرگ قالاسىنىڭ جوعارى پەداگوگيكالىق مەكتەبىنىڭ بەينەلەۋ ونەرى ينستيتۋتىنىڭ پروفەسسورلارى اننا-ماريا گرۋندمايەر جانە ۋلريكە ۆايس، الماتى وبلىستىق «ۆايناح» شەشەن مادەني ورتالىعىنىڭ جەتەكشىسى ادام بويسايەۆ، الماتى قالاسىنداعى نازاربايەۆ زياتكەرلىك مەكتەبىنىڭ حيميا-بيولوگيا باعىتىنداعى كاسىبي باعدار بەرۋ ورتالىعىنىڭ جەتەكشىسى سالتانات دارىمبەتوۆا، سونىمەن قاتار فرايبۋرگ قالاسىنىڭ جوعارى ءبىلىم بەرۋ مەكتەبىنىڭ، شەشەن مەملەكەتتىك پەداگوگيكالىق ۋنيۆەرسيتەتىنىڭ جانە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسور-وقىتۋشىلارى مەن ستۋدەنتتەرى، الماتى قالاسىنداعى نازاربايەۆ زياتكەرلىك مەكتەبىنىڭ وقۋشىلارى قاتىستى.
رەكتور تاكير بالىقبايەۆ جاستار سەمينارىنا قاتىسۋشىلاردى قۇتتىقتاپ، جوبانىڭ نەگىزگى قاتىسۋشىلارى – بولاشاق مۇعالىمدەر الداعى ۋاقىتتا وزدەرىنىڭ ەستەتيكالىق جانە مادەنيەتارالىق داعدىلارىن ستۋدەنتتەرگە بەرە الاتىندىقتارىن اتاپ ءوتتى. ءسان الەمى ءار ءتۇرلى ەلدەردەن كەلگەن جاستاردى بىرىكتىرەتىن امبەباپ مادەني كودەكس بولىپ تابىلاتىندىعىن، مادەنيەتتەردىڭ ءوزارا بايلانىستىلىعىن، حالىقتاردى جاقىنداستىرۋعا جانە مادەنيەتارالىق كوممۋنيكاسيالاردى دامىتۋعا ىقپال ەتەتىندىگىن ايتتى. سەميناردىڭ ءبىرىنشى كۇنى قوناقتارعا ۋنيۆەرسيتەتكە ەكسكۋرسيا ۇيىمداستىرىلدى.
ەكى اپتالىق سەمينار بارىسىندا قاتىسۋشىلار ءسان ونەرىن الەۋمەتتىك جانە ەستەتيكالىق تاجىريبە رەتىندە بىرلەسىپ زەرتتەۋ مۇمكىندىگىنە يە بولادى. ءۇش ەلدىڭ ستۋدەنتتەرى ارالاس توپتاردا جۇمىس ىستەيدى. سەميناردا جەرگىلىكتى جاستار ءساننىڭ باسقا مادەنيەتتە قالاي كورىنەتىنىنە بايلانىستى ماسەلەلەردى تالقىلايدى. سونداي-اق، سەمينار قاتىسۋشىلارى قانداي كيىم-كەشەكپەن الماسۋعا، قانداي جاعدايلاردا، قانداي مادەني جانە ۇلتتىق ايىرماشىلىقتار پايدا بولاتىنى تۋرالى پىكىرلەرمەن الماسادى. سودان كەيىن قاتىسۋشىلار سۋرەتتەر مەن كوللاجداردا جۇمىس ىستەپ، وزدەرىنىڭ تۋىندىلارىن كيىم جيناقتارىندا بىرىكتىرەدى.
حالىقارالىق جاستار سەمينارى 2018 جىلدىڭ 31 مامىرىنا دەيىن جالعاساتىن بولادى.
ريمما جانبايەۆا
