«Alatau Aqparat» مەدياحولدينگٸندە زاماناۋي پودكاست ستۋديياسىنىڭ اشىلۋ سالتاناتى ٶتتٸ. ٸس-شاراعا بەلگٸلٸ مەديامەنەدجەرلەر, تەلەارنالار مەن باق باسشىلارى, بلوگەرلەر, يۋتيۋبەرلەر مەن كەسٸپكەرلەر, سەرٸكتەس ۇجىم ٶكٸلدەرٸ قاتىستى, – دەپ حابارلايدى Dalanews.kz.
جوبانىڭ باستى ماقساتى – دەستٷرلٸ جەنە جاڭا مەديانى ۇشتاستىرا وتىرىپ, كەڭ اۋديتوريياعا ەرتٷرلٸ فورماتتا ساپالى كونتەنت ۇسىنىپ, وتاندىق مەديا سالانى دامىتۋعا ٷلەس قوسۋ. زاماناۋي تەحنيكالارمەن جابدىقتالعان بۇل الاڭ – شىعارماشىلىق جوبالارعا سەرپٸن بەرٸپ, جاس مامانداردى دايارلاۋعا, اقپارات كەڭٸستٸگٸندە جاڭا يدەيالاردى جٷزەگە اسىرۋعا مٷمكٸندٸك بەرەدٸ.
اشىلۋ سالتاناتىندا «Alatau Aqparat» مەدياحولدينگٸنٸڭ باس ديرەكتورى ەرجان قالىمبايۇلى «ستۋدييانى قوعامداعى ٶزەكتٸ مەسەلەلەردٸ تالقىلايتىن, ساراپتامالىق پٸكٸرلەر مەن ەكسكليۋزيۆتٸ سۇحباتتار ۇسىناتىن مازمۇندى الاڭعا اينالدىرۋدى ماقسات ەتٸپ وتىرمىز. پودكاستتار اۋديتورييانىڭ اقپارات تۇتىنۋ داعدىسىنا ساي ەزٸرلەنٸپ, اشىق, ەركٸن ەرٸ تارتىمدى فورماتتا ۇسىنىلادى. باستى ماقسات – اقپاراتتى ساپالى, سەنٸمدٸ, ناقتى ەرٸ قىزىقتى ەتۋ», – دەدٸ.
ونىڭ سٶزٸنشە, اتالعان ستۋدييانى «ادىرنا» اقپاراتتىق اگەنتتٸگٸ باستاعان بٸرٸنەشە سەرٸكتەستەرمەن بٸرلەسە جاساقتاعان.
ٶز كەزٸگٸندە بەلگٸلٸ مەديا-مەنەدجەر, قازاقستاننىڭ ەڭبەك سٸڭٸرگەن قايراتكەرٸ نۇرجان جالاۋقىزى ەلدەگٸ مەدياحولدينگتەر اراسىندا العاشقىلاردىڭ بٸرٸ بولىپ پودكاست-ستۋدييا اشىپ جاتقان ەرٸپتەستەرٸنە سەتتٸلٸك تٸلەدٸ.
«ەلدٸ ەلەڭ ەتكٸزەر, كٶپتٸڭ كٶڭٸلٸنەن شىعاتىن, تۇشىمدى ويلار ايتاتىن, كٶرەرمەنٸ كٶپ, تارالىمى كەڭ جوبا بولسىن», – دەدٸ ول.
«حابار» اگەنتتٸگٸ» اق الماتى فيليالىنىڭ ديرەكتورى سەرٸك ەبٸكەنۇلى باسپاسٶزدٸڭ تاعدىرى كٷردەلٸلەۋ بولىپ تۇرعان وسىناۋ شاقتا پودكاست-ستۋدييا اشۋ – ٶتە قولدايتىن دٷنيە ەكەندٸگٸن تٸلگە تيەك ەتتٸ.
«بۇقارالىق اقپارات قۇرالى زاماننىڭ ٷردٸسٸنەن قالماۋى كەرەك. سول زامانمەن بٸرگە قاتار قادام باسامىز دەپ تەۋەكەل ەتٸپ بٸر ٸس باستاعان ەكەنسٸزدەر, سەتتٸلٸك تٸلەيمٸز. وسى شاعىن ستۋدييادا ۇلتتىڭ سٶزٸن ايتاتىن, مەملەكەتتٸڭ جوعىن جوقتايتىن ٷلكەن ويلار ايتىلسىن», – دەدٸ.
تانىمال جۋرناليست-پەداگوگ, ەل-فارابي اتىنداعى قازاق ۇلتتىق ۋنيۆەرسيتەتٸ جۋرناليستيكا فاكۋلتەتٸنٸڭ دەكانى قانات ەۋەسباي: «قازٸر ەلٸمٸزدە وسى مەدياحولدينگتەر ينستيتۋتى قارقىندى دامىپ كەلەدٸ. سول كٶشتٸڭ الدىڭعى قاتارىندا جٷرگەن «Alatau Aqparat»-تى كەيٸنگٸ بٸر-ەكٸ جىلدىڭ كٶلەمٸندە جاقسى جاعىنان ەستٸپ, كٶرٸپ جٷرمٸز. گازەت ەندٸ تەك وقىتىپ قانا قويماي, وسى پودكاست-ستۋدييا ارقىلى كٶرسەتەدٸ, ەرٸ تىڭداتادى. ياعني بٷگٸندە كٶپ ايتىلىپ جٷرگەن كروسس-مەدياعا «Alatau Aqparat» تا ٸلەستٸ. دەمەك, تىڭداي المايتىندار وقيدى, وقي المايتىندار كٶرەدٸ. وزىق تا زاماناۋي ترەندتەردٸڭ بەرٸن وسى مەديا-ستۋدييادان كٶرەيٸك!», – دەدٸ.
سونىمەن قاتار, ارمان ەۋبەكٸر, ايدوس جۇقانۇلى, باۋىرجان كەرٸپوۆ, ەربول ازانبەك, ەربول سەيٸلحان, مەيٸرجان ەۋەلحانۇلى, ايبار ولجاەۆ پەن نۇرلان جۇماحان سىندى باق سالاسىنىڭ مايتالماندارى ٶز ويلارىن ورتاعا سالدى.
ستۋدييانىڭ اشىلۋ رەسٸمٸنەن كەيٸن قوناقتار مەدياحولدينگ مۋزەيٸن ارالاپ, قازاقستان جۋرناليستيكاسى تاريحىنان سىر شەرتەتٸن جەدٸگەرلەرمەن تانىستى.
پودكاست ستۋدييادا تٷسٸرٸلەتٸن ساراپتامالىق پٸكٸرلەر مەن ەكسكليۋزيۆتٸ سۇحباتتار مەدياحولدينگ قۇرامىنا كٸرەتٸن aqshamnews.kz, vecher.kz جەنە alnews.kz اقپاراتىق رەسۋرستارىندا, سونىمەن قاتار, ەلەۋمەتتٸك جەلٸلەرٸندە دە جارييالانىپ وتىرادى.
