مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى دارحان جازىقباي «ايقىن» گازەتٸنە بەرگەن سۇحباتىندا ەكٸمدەردٸڭ بٸلٸكتٸلٸگٸن ارتتىرۋ جەنە قايتا دايارلاۋ باعدارلاماسىنىڭ ماڭىزدىلىعى تۋرالى ايتتى,- دەپ حابارلايدى Dalanews.kz
بٸلٸمدٸ ٷزدٸكسٸز جەتٸلدٸرۋ – قاجەتتٸلٸك
بٸلٸم بەرۋ ٷزدٸكسٸز جٷرەتٸن پروتسەسس, سوندىقتان بٸلٸم زامانعا ساي ٶزگەرٸپ, جاڭارىپ وتىرۋى زاڭدىلىق. مەسەلەن, وسىدان ون جىل بۇرىن العان بٸلٸم, قازٸرگٸ عىلىمي-تەحنولوگييالىق پروگرەستٸڭ قارقىندى دامۋىنا بايلانىستى جاڭا زامان تالاپتارىنا جاۋاپ بەرە الماۋى دا ىقتيمال. وسىعان وراي زامان كٶشٸنە ٸلەسۋ ٷشٸن بٸلٸمدٸ ٷزدٸكسٸز جەتٸلدٸرٸپ وتىرۋ ماڭىزدى. بٸلٸمدٸ جەتٸلدٸرۋ بارىسىندا قازٸرگٸ زاماننىڭ عىلىمي-تەحنيكالىق جەتٸستٸكتەرٸن تيٸمدٸ پايدالانۋ زامان تالابى.
اۋىل ەكٸمدەرٸن سايلاۋ 2021 جىلدان باستالدى. بۇل ەلٸمٸزدەگٸ مەملەكەتتٸك باسقارۋ ٸسٸندەگٸ جاڭا جٷيەگە اينالدى. اۋىل ەكٸمٸنە سايلانۋعا كونستيتۋتسيياعا سەيكەس قازاقستان ازاماتتارى تٷسە الادى. مەملەكەت باسشىسى قاسىم-جومارت كەمەلۇلى توقاەۆ حالىققا جولداۋىندا «ازاماتتاردىڭ سوڭعى جىلدارداعى تاعى بٸر تالابى – ەكٸمدەردٸ تٸكەلەي سايلاۋ جٷيەسٸن ەنگٸزۋ. بۇل تالاپ تا ورىندالدى... حالىق ٶزٸ تاڭداعان ەكٸمدەردٸڭ قۇرامى ەدەۋٸر جاڭاردى» دەگەن بولاتىن. سايلانعان ەكٸمدەردٸڭ ٸشٸندە ەل اراسىنان شىققان, بۇرىن مەكتەپتە ۇستاز بولعان, جەكە كەسٸپتە جٷرگەن تٷرلٸ سالانىڭ ماماندارى بار. اۋىل ەكٸمدەرٸنٸڭ شامامەن 40%-نىڭ (919 ەكٸم) اتقارىپ جاتقان لاۋازىمداعى مەرزٸمٸ ەكٸ جىلدان دا اسپايدى. سەيكەسٸنشە 213 ەكٸمنٸڭ جالپى مەملەكەتتٸك قىزمەتتەگٸ تەجٸريبەسٸ ەكٸ جىلدان از.
سايلانعان ەكٸمدەردٸڭ تيٸمدٸلٸگٸن ارتتىرۋعا قولداۋ كٶرسەتۋ
كەيبٸر اقپارات رەسۋرستارىندا ەكٸمدەردٸ وقىتۋدىڭ قاجەتٸ قانشا, ولاردىڭ بٸلٸمٸ جەتكٸلٸكسٸز بولسا نەگە سايلاندى دەگەن پٸكٸرلەر ايتىلىپ جٷر. وسى رەتتە, مەملەكەت حالىق تاڭداۋىمەن ساناساتىنىن ايتۋ ورىندى. دەمەك, بۇل سايلاۋشىلاردىڭ سەنٸمٸنە يە بولىپ, تاڭدالعان ەكٸمدەرگە مەملەكەت تاراپىنان جاسالعان قولداۋ ەكەنٸن ۇمىتپاعان جٶن. سەبەبٸ, سايلانعان ەكٸمدەردٸڭ مەملەكەتتٸك باسقارۋ, جەرگٸلٸكتٸ ٶزٸن-ٶزٸ باسقارۋ ٸسٸندە, سالىق كودەكسٸ مەن تٶرتٸنشٸ دەڭگەيدەگٸ بيۋدجەتتٸ تيٸمدٸ يگەرۋ مەن باسقارۋ, مەملەكەتتٸك ساتىپ الۋ, ينۆەستيتسييالىق جوبالاردى تارتۋ جەنە ٶزگە دە كٶپتەگەن سالالىق باعىتتاردان تەجٸريبەسٸن شىڭداپ, ارنايى قۇزىرەتٸن ارتتىرۋ كەرەك. سەبەبٸ, اتالعان سالالار بويىنشا جەتكٸلٸكتٸ دەڭگەيدەگٸ قۇزىرەتتەردٸڭ بولماۋى مٷمكٸن. وسىعان بايلانىستى, حالىق ٶز تاڭداۋىن جاساعاندىقتان, مەملەكەت سايلانعان ەكٸمدەردٸڭ بٸلٸمٸن جەتٸلدٸرۋ مەن تيٸمدٸلٸگٸن ارتتىرۋعا قولداۋ كٶرسەتۋدٸ باستى مٸندەتتەردٸڭ بٸرٸ رەتٸندە قاراستىراتىنىن تٷسٸنۋٸمٸز قاجەت.
ەكٸمدەردٸڭ بٸلٸكتٸلٸگٸن ارتتىرۋ قالاي ۇيىمداستىرىلۋدا?
ەكٸمدەردٸڭ بٸلٸكتٸلٸگٸن ارتتىرۋ مەملەكەتتٸك قىزمەت ٸستەرٸ اگەنتتٸگٸنٸڭ ٷيلەستٸرۋٸمەن جەنە پرەزيدەنت جانىنداعى مەملەكەتتٸك باسقارۋ اكادەميياسىنىڭ ۇيىمداستىرۋىمەن جٷزەگە اسىرىلۋدا. ەكٸمدەردٸ قايتا دايارلاۋعا «Amanat» پارتيياسى دا قاتىسىپ وتىر. بۇل باعدارلاما بارلىق دەڭگەيدە سايلانعان اۋدان, اۋداندىق ماڭىزى بار قالالاردىڭ, اۋىلداردىڭ, كەنتتەردٸڭ جەنە اۋىلدىق وكرۋگتەردٸڭ ەكٸمدەرٸنە ارنالعان.
باعدارلامانىڭ نەگٸزگٸ ماقساتى
وقىتۋدىڭ نەگٸزگٸ ماقساتى – ەكٸمدەردٸڭ كەسٸبي قۇزىرەتتٸلٸگٸن ارتتىرۋ, باسقارۋشىلىق داعدىلارىن دامىتۋ جەنە جەرگٸلٸكتٸ باسقارۋدىڭ تيٸمدٸلٸگٸن ارتتىرۋ. ولارعا زاماناۋي باسقارۋ ەدٸستەرٸن مەڭگەرۋ, جەرگٸلٸكتٸ تۇرعىنداردىڭ قاجەتتٸلٸكتەرٸن تيٸمدٸ شەشۋ جەنە ٶڭٸردٸ دامىتۋعا باعىتتالعان قاجەتتٸ بٸلٸم مەن داعدىلار بەرٸلەدٸ.
ەكٸمدەردٸ وقىتۋ باعدارلاماسى ينتەراكتيۆتٸ فورماتتا جٷرگٸزٸلەدٸ, ول پراكتيكالىق تاپسىرمالار, ستراتەگييالىق جوسپارلاۋ بويىنشا ترەنينگتەردٸ قامتيدى. وسىلايشا, ولار تەورييالىق بٸلٸمدٸ ناقتى جۇمىسىندا قولدانۋعا مٷمكٸندٸك الادى.
بٸر سٶزبەن ايتقاندا باعدارلامانىڭ باستى ماقساتى – جەرگٸلٸكتٸ باسقارۋ تيٸمدٸلٸگٸن ارتتىرۋ, اۋىل حالقىنىڭ ەل-اۋقاتىن جاقسارتۋ جەنە ەكٸمدەردٸڭ قازٸرگٸ زامانعى باسقارۋشىلىق قۇزىرەتتەرٸن دامىتۋ.
1901 اۋىل ەكٸمٸ قايتا دايارلاۋ كۋرسىنان ٶتۋدە
ەلٸمٸزدە پرەزيدەنت قاسىم-جومارت توقاەۆتىڭ ٷكٸمەتكە مەملەكەتتٸك قىزمەت ٸستەرٸ اگەنتتٸگٸمەن بٸرلەسٸپ ەكٸمدەردٸڭ بٸلٸكتٸلٸگٸن ارتتىرۋ جۇمىسىن ٸسكە اسىرۋ بويىنشا تاپسىرماسىن ورىنداۋ اياسىندا اۋدان, اۋىل ەكٸمدەرٸنٸڭ بٸلٸكتٸلٸگٸن ارتتىرۋعا جەنە ولاردىڭ جاڭا تەجٸربيە جيناقتاۋىنا باعىتتالعان ارنايى قايتا دايارلاۋ كۋرستارى ٶتۋدە.
بۇل تۋرالى مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى دارحان جازىقباي «ايقىن» گازەتٸنە بەرگەن سۇحباتىندا ايتتى.
قايتا دايارلاۋ باعدارلاماسىنىڭ ماڭىزدىلىعى
باعدارلاما اياسىندا سايلانعان بارلىق اۋدان, اۋداندىق ماڭىزى بار قالالاردىڭ, اۋىلداردىڭ, كەنتتەردٸڭ جەنە اۋىلدىق وكرۋگتەردٸڭ ەكٸمدەرٸ وقىتۋدان ٶتەدٸ. 2025 جىلعى اقپانداعى جاعداي بويىنشا 1901 اۋىل ەكٸمٸ قايتا دايارلاۋ كۋرسىنان ٶتۋدە. ال ەلٸمٸزدەگٸ اۋىل ەكٸمدەرٸنٸڭ جالپى سانى – 2322. بۇل كٶرسەتكٸشتەن باعدارلامانىڭ كەڭ اۋقىمدا جٷزەگە اسىپ جاتقانىن اڭعارۋعا بولادى. قايتا دايارلاۋ نەتيجەسٸندە ەكٸمدەردٸڭ قۇزىرەتتەرٸ ارتىپ, جەرگٸلٸكتٸ باسقارۋدى ساپالى جاڭا دەڭگەيگە كٶتەرۋگە وڭ سەرپٸن بەرەدٸ
باعدارلامانىڭ باستى باعىتتارى
- اۋىلدىق بيۋدجەتتٸ دۇرىس جوسپارلاۋ جەنە قارجىنى تيٸمدٸ جۇمساۋ
- مەملەكەتتٸك ساتىپ الۋ جەنە سالىقتىق تٷسٸمدەردٸ باسقارۋ
- كوممۋنالدىق مەنشٸكتٸ تيٸمدٸ باسقارۋ
- تسيفرلاندىرۋ مەن جاڭا تەحنولوگييالاردى اۋىل شارۋاشىلىعىنا ەنگٸزۋ
باعدارلاما 240 اكادەمييالىق ساعاتتان تۇرادى. وقىتۋ 17 مودۋل بويىنشا ٶتەدٸ, ولاردىڭ ەرقايسىسى ەكٸمدەردٸڭ كەسٸبي جەنە باسقارۋشىلىق داعدىلارىن دامىتۋعا باعىتتالعان. قايتا دايارلاۋ نەتيجەسٸندە ەكٸمدەردٸڭ قۇزىرەتتەرٸ ارتىپ, جەرگٸلٸكتٸ باسقارۋدى ساپالى جاڭا دەڭگەيگە كٶتەرۋگە وڭ سەرپٸن بەرەدٸ. سەبەبٸ ەكٸمدەردٸڭ قۇزىرەتتٸلٸگٸ مەن بٸلٸمٸ اۋىلدىڭ ەكونوميكالىق جەنە ەلەۋمەتتٸك دامۋىنا تٸكەلەي ىقپال ەتەدٸ.
ەكٸمدەردٸ وقىتۋ باعدارلاماسى تۇراقتى تٷردە جەتٸلدٸرٸلەدٸ
مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى دارحان جازىقبايدىڭ ايتۋىنشا, ەكٸمدەردٸ وقىتۋ باعدارلاماسى تۇراقتى تٷردە جەتٸلدٸرٸلٸپ وتىرادى.
وقۋ بارىسىندا ەكٸمدەر ناقتى جاعدايلاردى مودەلدەۋ ارقىلى تەجٸريبەلٸك داعدىلاردى قالىپتاستىرادى. كۋرس سوڭىندا ەربٸر قاتىسۋشى ٶز اۋىلدىق وكرۋگٸنٸڭ ەكونوميكالىق دامۋى بويىنشا ناقتى باعدارلاماسىن ەزٸرلەيدٸ. بۇل ەكٸمدەردٸڭ العان بٸلٸمدەرٸن تٸكەلەي تەجٸريبەگە ەنگٸزۋٸنە مٷمكٸندٸك بەرەدٸ. سونداي-اق مەملەكەتتٸك باسقارۋ اكادەميياسى ەكٸمدەردٸڭ قىزمەتٸنە مونيتورينگ جٷرگٸزٸپ, وقىتۋ نەتيجەلەرٸن سارالاپ وتىرادى. بۇل تەسٸل باعدارلامانىڭ تيٸمدٸلٸگٸن ارتتىرىپ, كەلەشەكتە ونى ودان ەرٸ جەتٸلدٸرۋگە مٷمكٸندٸك بەرەدٸ.
«بۇل جوبا – مەملەكەتتٸك قىزمەتتٸ جەتٸلدٸرۋ جولىنداعى ماڭىزدى قادام. ەكٸمدەردٸ تۇراقتى تٷردە وقىتۋ مەن كەسٸبي تۇرعىدا دامىتۋ مەحانيزمدەرٸن جەتٸلدٸرۋدٸ جالعاستىرامىز. الداعى ۋاقىتتا باعدارلامانى كەڭەيتٸپ, ونى جاڭا باعىتتارمەن تولىقتىرىپ ودان ەرٸ اۋدان ەكٸمدەرٸن وقىتۋدى جوسپارلاپ وتىرمىز. سونداي-اق جاس ەكٸمدەر ٷشٸن مەنتورلىق باعدارلامالاردى دامىتۋ, تەجٸريبە الماسۋ الاڭدارىن قۇرۋ جەنە حالىقارالىق دەڭگەيدەگٸ ٷزدٸك تەجٸريبەلەردٸ ەنگٸزۋ جوسپارىمىزدا بار.
بٸزدٸڭ باستى ماقساتىمىز – كەسٸبي, بٸلٸكتٸ جەنە حالىققا قىزمەت ەتەتٸن ەكٸمدەر كورپۋسىن قالىپتاستىرۋ. مەملەكەت باسشىسىنىڭ «حالىق ٷنٸنە قۇلاق اساتىن مەملەكەت» تۇجىرىمداماسىنا سەيكەس, جەرگٸلٸكتٸ اتقارۋشى ورگاندار حالىقتىڭ مۇڭ-مۇقتاجىنا جەدەل ەرٸ ساپالى جاۋاپ بەرۋگە قابٸلەتتٸ بولۋى تيٸس», - دەدٸ اگەنتتٸك تٶراعاسى «ايقىن» گازەتٸنە بەرگەن سۇحباتىندا.
