تۇركىستان وبلىسىندا ءوز اكەسىن اياۋسىز ۇرىپ، سونىڭ سالدارىنان ونىڭ ولىمىنە سەبەپكەر بولدى دەپ ايىپتالعان 41 جاستاعى الماس ساداقبايەۆقا قاتىستى سوت پروسەسى اياقتالۋعا جاقىن، دەپ حابارلايدى Dalanews.kz.
سوت بارىسىندا ايىپتالۋشى كىناسىن تولىق مويىندادى. ول قىلمىستى ەسىنەن تانىپ قالعان كۇيدە جاساعانىن ايتتى. ساداقبايەۆ سوتتا ەموسياعا بەرىلىپ، كوز جاسىنا ەرىك بەردى جانە جازاسىن جەڭىلدەتۋدى سۇرادى.
ول ءوزىنىڭ كامەلەتكە تولماعان بالالارى بار ەكەنىن، سونداي-اق وتباسىنداعى جالعىز اسىراۋشى بولعانىن العا تارتتى.
بۇل ءىس بويىنشا ۇكىم بۇگىن جاريالانۋى ءتيىس.
