بۇگىن ق ر ءىىم ماقان ەسبولاتوۆ اتىنداعى الماتى اكادەمياسىنىڭ باستىعى پوليسيا پولكوۆنيگى، ز.ع.ك. قاۋىمداستىرىلعان پروفەسسور ايدار سايتبەكوۆ كريميناليستيكا قىزمەتىنىڭ قۇرىلعان كۇنىمەن وسى اكادەمياداعى قىلمىستىق پروسەسس جانە كريميناليستيكا كافەدراسى قىزمەتكەرلەرىن تاۋەلسىز قازاقستاننىڭ كريميناليستيكاسى كۇنى  مەرەكەسىمەن قۇتتىقتاپ، «العىس حاتتاردى» تابىستادى.

وتاندىق پوليسيا ماقتان تۇتاتىن كريميناليستيكانىڭ تاريحى وتە تەرەڭنەن باستاۋ الادى.

تاۋەلسىز قازاقستاننىڭ كريميناليستيكاسى ەگەمەن ەلمەن بىرگە دامىپ، ۋاقىت وتكەن سايىن تاجىريبە جيناپ كەلەدى. كريميناليستەردىڭ  قىلمىستىق ىستەردى جۇرگىزۋدەگى جۇمىستارى وتە اۋقىمدى.

ول  ۇرلىق تا، كىسى ءولتىرۋ وقيعاسى دا بولۋى مۇمكىن. ءىس جۇرگىزۋدەگى دالەلدەمەلەر كريميناليستەر جۇمىسىنىڭ ناتيجەسىندە تابىلىپ، اشىلادى. بۇل ماماندىق يەلەرى كوزگە كورىنبەيتىن ىزدەردى تاۋىپ، ولاردى سالىستىرىپ، مۇقيات زەردەلەپ، كوپتەگەن قىلمىس فاكتىلەرىنىڭ بەتىن اشۋعا كومەكتەسەدى.

كريميناليستىڭ جۇمىسى اسقان مۇقياتتىلىقتى، ۇلكەن جاۋاپكەرشىلىكتى تالاپ ەتەدى. بىردە-بىر دالەل، كىشكەنە دەتالدىڭ ءوزى كوزدەن تاسا بولماۋى ءتيىس. قىلمىس ورنىن زەرتتەگەننەن كەيىن كريميناليستەر ارنايى جابدىقتالعان كابينەتتەردە جۇمىسىن جالعاستىرادى. ءبىر سوزبەن ايتقاندا ولار «كوزگە كورىنبەيتىن مايداننىڭ» جاۋىنگەرلەرى بولىپ تابىلادى.

م. ەسبولاتوۆ اتىنداعى الماتى اكادەمياسىنىڭ ءباسپاسو قىزمەتى