قولدانبالى ەتنوساياسي زەرتتەۋلەر ينستيتۋتى مونيتورينگتىك زەرتتەۋ ورتالىعىنىڭ ديرەكتورى دىنمۇحاممەد عالي اەس قۇرىلىسىنا قاتىستى پىكىر ءبىلدىردى، - دەپ حابارلايدى Dalanews.kz.
كەشە مەملەكەت باسشىسى قاسىم-جومارت توقايەۆ اەس قۇرىلىسىنا بايلانىستى رەفەرەندۋم بيىل كۇزدە وتەتىنىن مالىمدەدى.
"مەملەكەت باسشىسى بيىل كۇزدە اتوم ەلەكتر ستانساسىن سالۋ ماسەلەسى رەفەرەندۋم وتەتىنىن حابارلادى. ونىڭ ايتۋىنشا، ەكونوميكانى دامىتۋ ءۇشىن تۇراقتى ەنەرگيا كوزى كەرەك. سوندىقتان، مەملەكەت باسشىسىنىڭ تاپسىرماسىمەن ۇكىمەت اتوم ەلەكتر ستانساسىن سالۋ ماسەلەسىن پىسىقتاۋدا. اەس قۇرىلىسى ەنەرگەتيكا جانە ەكونوميكا سالاسىندا جاڭا مۇمكىندىكتەرگە جول اشادى. عالىمدار 2035 جىلعا قاراي قازاقستانداعى ەنەرگيا تاپشىلىعى 3،2 گۆت قۇرايدى دەپ وتىر. سوندىقتان، ەلىمىزدە اەس قۇرىلىسىن سالۋ اتوم ەنەرگەتيكاسىن دامىتۋعا، ەنەرگيا تاپشىلىعىن جويۋعا جانە جاڭا جۇمىس ورىندارىن اشۋعا سەپتىگىن تيگىزەدى. پرەزيدەنت "حالىق ۇنىنە قۇلاق اساتىن مەملەكەت" قاعيداتىن بەرىك ۇستانا وتىرىپ، اەس قۇرىلىسى بويىنشا سوڭعى شەشىمدى حالىق قابىلدايتىنىن ايتتى. رەفەرەندۋم بيىل كۇزدە وتەدى"، - دەپ جازدى دىنمۇحاممەد عالي.
بىلتىر 1 قىركۇيەكتە توقايەۆ قازاقستان حالقىنا جولداۋىندا رەفەرەندۋم قورىتىندىسى بويىنشا اتوم ەلەكتر ستانسياسىنا قاتىستى شەشىم قابىلداۋدى تاپسىردى.
6 قىركۇيەكتە ورتالىق سايلاۋ كوميسسياسى اتوم ەلەكتر ستانسياسىنا قاتىستى رەفەرەندۋمدى 2023 جىلى وتكىزۋگە دايىن ەكەنىن مالىمدەگەن بولاتىن.
5 قازاندا ەنەرگەتيكا مينيسترلىگى قازاقستان "روساتوم" جانە تاعى ءۇش كومپانيامەن اتوم ەلەكتر ستانسياسىنا قاتىستى ماڭىزدى كەلىسسوزدەر جۇرگىزىپ جاتقانىن حابارلادى.
