سارسەنبىلىك سۇحباتتا تەكەلى قالاسى اكىمىنىڭ ورىنباسارى، قالالىق اقپاراتتىق، ۇگىت-ناسيحات شتابىنىڭ ءتوراعاسى سەرىك بولىسباي ۇلى ونلاين ەفير ارقىلى جاستارمەن تىلدەسىپ، جەمقورلىقسىز قوعام قۇرۋ، ادالدىق پەن ادامدىق ۇستانىمدارى جايلى وي تارقاتتى.
جيىنعا قاتىسقان جاستار تاراپىنان دا تاقىرىپ شەڭبەرىندە كوكەيتەستى سۇراقتار قويىلىپ، جاس بۋىن وكىلدەرى ويلارىن ورتاعا سالدى.
ادالدىق – ادام بويىنداعى اسىل قاسيەتتەردىڭ ءبىرى. «ادالدىق» دەگەن ءسوز شىنشىلدىق، اينىماستىق، شىن بەرىلگەندىك سياقتى يگى قاسيەتتەردى ەسكە سالادى. قازاق پايىمىندا ادام بويىندا ادالدىق – پاكتىك، ار-ۇجدان، جان تازالىعى ءتارىزدى ت.ب. اسىل قاسيەتتەردىڭ جيىنتىعىنان تۇرادى.
«پايدا ويلاما، ار ويلا، تالاپ قىل ارتىق بىلۋگە» دەپ حاكىم اباي ايتقانداي، ۇرپاق تاربيەسى – كەلەشەك قوعام تاربيەسى. سول كەلەشەك قوعام يەلەرىن جان-جاقتى جەتىلگەن، اقىل-پاراساتى مول، مادەني، عىلىمي ءورىسى وزىق ەتىپ تاربيەلەۋ – ءبىزدىڭ دە قوعام الدىنداعى باستى بورىشىمىز.
«Jetisy Media»
