قازاقستاندىق الەم چەمپيونى، ورتا سالماقتاعى WBO جانە IBF بەلبەۋلەرىنىڭ يەگەرى جانىبەك ءالىمحان ۇلى الەۋمەتتىك جەلىلەردە ءوزىن اتاپ وتكەن ءابسوليۋتتى الەم چەمپيونى تەررەنس كروۋفورعا جاۋاپ بەردى، دەپ حابارلايدى Dalanews.kz.
سۋپەرورتا سالماقتاعى ءابسوليۋتتى الەم چەمپيونى تەررەنس كروۋفورد بوگوتا (كولۋمبيا) قالاسىنداعى WBO كونۆەنسياسىنان ۆيدەونى الەۋمەتتىك جەلىلەردە جاريالادى. كادرعا قازاقستاندىق الەم چەمپيونى، WBO جانە IBF بەلبەۋلەرىنىڭ يەگەرى جانىبەك ءالىمحان ۇلىنىڭ پورترەتتەرى بار جارقىن رەكلاما ءتۇستى. كەيبىر جانكۇيەرلەر مۇنى 2026 جىلى كوپتەن كۇتكەن جەكپە- جەگى تۋرالى تۇسىنىك دەپ باعالادى.
جانىبەك ءالىمحان ۇلى كروۋفوردتىڭ جازباسىنا جاۋاپ بەرۋدى شەشىپ، ءابسوليۋتتى الەم چەمپيونىنا قىسقا عانا: «ماسەلە جوق» دەپ دايىن ەكەنىن ءبىلدىردى.
بۇعان دەيىن قازاقستاندىق بوكسشى، WBO جانە IBF الەم چەمپيونى جانىبەك ءالىمحان ۇلى مەن WBA بەلبەۋىنىڭ يەگەرى كۋبالىق ەريسلاندي لارا اراسىنداعى جەكپە-جەك راستالعانى بەلگىلى بولدى. حابارلاۋ بويىنشا، تيتۋلدىق كەزدەسۋ رەسمي تۇردە بەكىتىلىپ، 6 جەلتوقساندا اقش-تىڭ تەحاس شتاتىنداعى سان-انتونيو قالاسىندا وتەدى.
