قر پارلامەنتٸ مەجٸلٸسٸنٸڭ VIII شاقىرىلىم دەپۋتاتى جاناربەك ەشٸمجان اباي قۇنانبايۇلىنىڭ 180 جىلدىق مەرەيتويىنا وراي سەمەيدەن 170 شاقىرىم قاشىقتىقتاعى كيەلٸ جيدەبايعا بارىپ, ۇلى ويشىل ابايدىڭ رۋحىنا تاعزىم ەتتٸ,- دەپ حابارلايدى Dalanews.kz
دەپۋتاتتىڭ ايتۋىنشا, بۇل ساپاردىڭ ماقساتى — ەلدٸڭ ەرتەڭٸ مەن وتان اماندىعى ٷشٸن تٸلەك تٸلەۋ جەنە قازاقتىڭ ۇلى تۇلعالارىنا قۇرمەت كٶرسەتۋ.
«جاراتقان يەمٸز تٸلەگٸمٸزدٸ قابىل قىلعاي! قازٸرگٸ كٷندەرٸ الاشتىڭ اتى شىققان ازاماتتارىنىڭ بەرٸ سەمەيگە, كيەلٸ جيدەبايعا اعىلىپ كەلٸپ جاتىر», — دەدٸ ول.
1 تامىزدان باستاپ ابايدىڭ 180 جىلدىعىنا ارنالعان تٷرلٸ مەدەني جەنە رۋحاني ٸس-شارالار اباي وبلىسىنىڭ ورتالىعى سەمەيدە جەنە ٶزگە ٶڭٸرلەردە ٶتٸپ جاتىر. پرەزيدەنت قاسىم-جومارت توقاەۆ جىل باسىندا ابايدىڭ مەرەيتويىن لايىقتى دەڭگەيدە اتاپ ٶتۋ قاجەتتٸگٸن جەنە ونىڭ رۋحاني مۇرالارى قازاق قوعامىنىڭ ٶمٸر سالتىندا باعدارشام بولۋى تيٸس ەكەنٸن اتاپ ٶتكەن ەدٸ.
جاناربەك ەشٸمجان ابايدىڭ شىعارماشىلىق مۇراسى بٷگٸندە قايتا جاڭعىرىپ, كٸتاپتار مەن جيناقتار باسىلىپ جاتقانىن ايتتى. سونداي-اق ول اقىننىڭ التىنشى قارا سٶزٸندەگٸ بٸرلٸك تۋرالى ويىنا توقتالىپ, «اباي ايتقان اقىلعا بٸرلٸك — ەلدٸككە, ۇلتتىق مٷددەگە باستايدى» دەدٸ.
حالىق قالاۋلىسى مەرەيتوي ەلدٸڭ رۋحاني قۋاتىن ارتتىرىپ, جاستاردىڭ اباي مۇراسىنا بەت بۇرۋىنا ىقپال ەتەدٸ دەگەن سەنٸم بٸلدٸردٸ.
