وبلىس اكىمدىگى حابارلاعانداي، الداعى جىلىتۋ ماۋسىمىنا وبلىستىڭ كومىرگە دەگەن جالپى سۇرانىسى 1،245 ملن توننانى قۇرايدى. ونىڭ ىشىندە حالىققا – 567،9 مىڭ توننا، ورتالىقتاندىرىلعان جىلۋ كوزدەرىنە – 595،4 مىڭ توننا، بيۋدجەتتىك ۇيىمدارعا – 84،5 مىڭ توننا كومىر قاجەت.
ءوڭىردىڭ كوممۋنالدىق سەكتورىن كومىرمەن ۋاقتىلى قامتاماسىز ەتۋ ءۇشىن «قاراجىرا» اق جانە قازاقستان تەمىر جولى كومپانياسىمەن بىرلەسىپ، كومىر شاحتالارىنان كومىردى ۋاقىتىلى تيەۋ ءۇشىن ۆاگونداردى جەتكىزۋ كەستەسى ازىرلەنگەن.
بۇگىنگى تاڭدا وبلىستىڭ تەمىرجول تۇيىقتارىندا 13،3 مىڭ توننا كومىر بار، ونىڭ ىشىندە سەمەيدە – 9 مىڭ توننا، اياگوز اۋدانىندا – 3،4 مىڭ توننا، جارما اۋدانىندا – 200 توننا، بورودۋليحا اۋدانىندا – 660 توننا.
– كومىر ساۋداسىنداعى كەزەكتەر مەن باعانى قولدان كوتەرۋگە جول بەرمەۋ ءۇشىن تۇرعىنداردان كۇن سۋىعانشا كومىر ساتىپ الۋلارىن سۇرايمىز. بۇل رەتتە كومىردى ساۋدالاۋ ءىسى باسەكەلەستىك ورتانىڭ قۇزىرىندا ەكەنىن ۇمىتپاۋىمىز كەرەك. وندا تاۋارلاردىڭ باعاسىن رەتتەۋ مەن باقىلاۋدى وسى سالاداعى ۋاكىلەتتى ورگان جۇزەگە اسىرادى، – دەدى اباي وبلىسى اكىمدىگىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى التىنبەك ادىلبەكوۆ.
اكىمدىك قازىرگى تاڭدا كومىر كەلىپ تۇسەتىن تەمىرجول تۇيىقتارىندا دۇرلىگىس جوق ەكەنىن العا تارتتى. كومىر جەتكىزۋ سۇرانىس پەن جوسپارعا سايكەس جۇرگىزىلىپ جاتقانىن اتاپ ءوتتى.
