اباي وبلىسىندا ايماق باسشىسى بەرٸك ۋەليدٸڭ باستاماسىمەن وسىدان 6 اي بۇرىن باستالعان «قالادان – اۋىلعا» جوباسى قارقىندى جٷزەگە اسىرىلىپ جاتىر. جوباعا قىزىعۋشىلىق تانىتقان ازاماتتار سانى ارتىپ, اۋىلدىق جەرلەرگە قونىس اۋدارۋشىلار قاتارى كٶبەيٸپ كەلەدٸ, دەپ حابارلايدى dalanews.kz.
وسى ۋاقىت ارالىعىندا وبلىسقا جالپى سانى 1241 ادامنان تۇراتىن 395 وتباسى قونىس اۋداردى. ونىڭ ٸشٸندە 508 ادام سەمەي قالاسىنان, 733 ادام ەلٸمٸزدٸڭ باسقا ٶڭٸرلەرٸنەن كٶشٸپ كەلدٸ.
سوڭعى اپتادا وبلىس اۋىلدارىنا 42 وتباسى قونىستاندى. بۇل – جوبا باستالعالى بٸر اپتاداعى ەڭ جوعارى كٶرسەتكٸشتەردٸڭ بٸرٸ. بۇعان دەيٸن اپتاسىنا ورتا ەسەپپەن 10-15 وتباسى كٶشٸپ كەلگەن.
جوبانى ٸسكە اسىرۋ اياسىندا وبلىس ەكٸمٸنٸڭ تاپسىرماسىنا سەيكەس جىل سوڭىنا دەيٸن ٶڭٸرگە 500 وتباسىن كٶشٸرۋ مەجەسٸ بەلگٸلەنگەن. قازٸرگٸ تاڭدا بۇل جوسپار 79 پايىزعا ورىندالدى. بەلگٸلەنگەن مەجەگە سەيكەس ەر اۋدانعا 50 وتباسىنان قابىلداۋ مٸندەتٸ قويىلعان. بۇل كٶرسەتكٸش قالا جەنە اۋدان ەكٸمدەرٸنٸڭ قىزمەتٸن رەيتينگتٸك باعالاۋ جٷيەسٸنە دە ەنگٸزٸلگەن.
قونىس اۋدارعان وتباسىلاردىڭ جاڭا ورتاعا بەيٸمدەلۋٸ مەن تۇرمىس جاعدايىن باقىلاۋ جۇمىستارى تۇراقتى جٷرگٸزٸلۋدە. ەر وتباسى نازارعا الىنىپ, ولاردىڭ جاعدايى, ٶتٸنٸش-تٸلەكتەرٸ مەن تۋىنداعان مەسەلەلەرٸ زەردەلەنٸپ جاتىر. بۇل باعىتتاعى جۇمىستار اۋدان ەكٸمدەرٸنٸڭ جوباعا جاۋاپتى ورىنباسارلارى جەنە اۋىل ەكٸمدەرٸمەن بٸرلەسٸپ جٷرگٸزٸلٸپ, قونىس اۋدارعان وتباسىلاردىڭ مەسەلەلەرٸن جەدەل ەرٸ تيٸمدٸ شەشۋگە باسىمدىق بەرٸلۋدە.
ايتا كەتەيٸك, بيىلعى جىلدىڭ 20 اقپانىندا سەمەيدە وبلىس ەكٸمٸ بەرٸك ۋەليدٸڭ باستاماسىمەن «قالادان – اۋىلعا» ٶڭٸرلٸك فورۋمى ٶتتٸ. فورۋم اياسىندا «قالادان – اۋىلعا» اتتى جاڭا جوبانىڭ باستالعانى جارييالانعان بولاتىن.
