ق ر اقپارات جانە كوممۋنيكاسيالار ءمينيسترى داۋرەن ابايەۆ مۇحتار ءابليازوۆتىڭ "قازاقستاننىڭ دەموكراتيالىق تاڭداۋى" قوزعالىسىنىڭ ەكسترەميستىك دەپ تانىلۋىنا قاتىستى تۇسىنىكتەمە بەردى، دەپ حابارلايدى Sputnik قازاقستان.
"ماعان سوتتىڭ شەشىمىمەن تانىسۋ كەرەك. مەنىڭ بىلۋىمشە، بۇل زاڭدى كۇشىنە بىردەن ەمەس، ون كۇننەن كەيىن ەنەدى. ءار جاعدايدا جەكە-دارا تالداۋ جۇرگىزگەن ءجون. ەگەر قازاقستان ازاماتتارى تىيىم سالىنعان نەمەسە ەكسترەميستىك دەپ تانىلعان ۇيىمنىڭ قىزمەتى تۋرالى اقپارات تاراتاتىن بولسا، وندا ولار ءتيىستى زاڭمەن قۋدالانادى"، — دەدى مينيستر.
ابايەۆ شەتەلدە قاشىپ جۇرگەن وليگارحتىڭ قازنەتتەگى قىزمەتىن شەكتەۋ جاعى قاراستىرىلىپ جاتقانىن ايتتى.
"ءبىز ءقازىر قاراستىرىپ جاستىرمىز. سوت شەشىمىنە سايكەس قاجەتتى شارالاردى قابىلدايمىز"، — دەگەن ول قازاقستاندىقتار ەكسترەميستىك دەپ تانىلعان قوزعالىس تۋرالى اقپارات تاراتسا، قىلمىستىق جاۋاپكەرشىلىككە تارتىلاتىنىن ايتتى.
