مەملەكەت باسشىسى باس پروكۋرور بەرٸك اسىلوۆتى قابىلدادى,- دەپ حابارلايدى Dalanews.kz.
پرەزيدەنتكە ەلدەگٸ زاڭ ٷستەمدٸگٸنٸڭ جاي-كٷيٸ مەن پروكۋراتۋرا قىزمەتٸنٸڭ نەگٸزگٸ باعىتتارى بويىنشا جۇمىس نەتيجەلەرٸ باياندالدى.
قاسىم-جومارت توقاەۆقا ارنايى پروكۋرورلاردىڭ قوعامدا رەزونانس تۋدىرعان جەنە مەملەكەت مٷددەسٸنە, سونداي-اق ازاپتاۋعا قاتىستى اسا ماڭىزدى قىلمىستىق ٸستەردٸ تەرگەپ-تەكسەرۋ بارىسى جٶنٸندە ەسەپ بەرٸلدٸ.
بيىل ارنايى پروكۋرورلار سوتقا 55 قىلمىستىق ٸس جولداپ, سونىڭ نەگٸزٸندە 112 ادام سوتتالعان. تاعى 80 ٸس سوتتاردىڭ قاراۋىندا جاتىر. ارنايى پروكۋرورلار تەكسەرگەن ٸستەر بويىنشا جالپى سوماسى 14,4 ميلليارد تەڭگە زالال ٶتەلدٸ.
بۇدان بٶلەك, مەملەكەت باسشىسىنا قىلمىستىق جولمەن تاپقان كٸرٸستەردٸ ٸزدەستٸرۋدٸڭ جاڭا تەسٸلدەرٸ مەن ونى ەل ەكونوميكاسىنا پايدالانۋدىڭ پەرسپەكتيۆاسى جٶنٸندە مەلٸمەت ۇسىنىلدى. قوزعالعان قىلمىستىق ٸستەر بويىنشا جالپى قۇنى 105 ميلليارد تەڭگە بولاتىن مٷلٸككە تىيىم سالىندى. سونىڭ ٸشٸندە پروكۋرورلار باسقا دا قۇقىق قورعاۋ ورگاندارىمەن بٸرگە تەك ەسٸرتكٸگە قارسى ٸستەر بويىنشا 12 ميلليارد تەڭگەگە جۋىق اكتيۆتەردٸ قولعا تٷسٸرگەن.
باس پروكۋرور بەرٸك اسىلوۆ اكتيۆتەردٸ قايتارۋ مەسەلەسٸ تۋرالى دا ايتتى. ەكٸ جىل ٸشٸندە پروكۋراتۋرا ورگاندارى ارقىلى 850 ميلليارد تەڭگەنٸڭ اكتيۆتەرٸ قايتارىلدى. بۇل قاراجات ٶڭٸرلەردە 400-گە جۋىق ەلەۋمەتتٸك جەنە كوممۋنالدىق نىسان سالۋعا جۇمسالادى. بٷگٸندە 60 عيماراتتىڭ قۇرىلىسى اياقتالعان.
پرەزيدەنتتٸڭ قازاقستان حالقىنا جولداۋىن جٷزەگە اسىرۋ ماقساتىندا جەنە بيزنەستٸ بەلسەندٸ قولداۋ ٷشٸن باس پروكۋراتۋراعا قاراستى ۆەدومستۆونىڭ اتاۋى ٶزگەرمەك. جاڭا فورمات ينۆەستيتسيياعا وڭتايلى جاعداي جاساپ, كەسٸپكەرلەر مەن ينۆەستورلاردىڭ قۇقىعىن قورعاۋعا مٷمكٸندٸك بەرەدٸ.
قاسىم-جومارت توقاەۆ بارلىق سالادا زاڭدىلىقتى قامتاماسىز ەتۋ جەنە قوعامدا «زاڭ مەن تەرتٸپ» قاعيداتىن نىعايتۋ جۇمىستارىن جالعاستىرۋدى تاپسىردى. سونىمەن قاتار قۇقىق قورعاۋ جەنە مەملەكەتتٸك ورگانداردىڭ الاياقتىققا, ەسٸرتكٸ ساۋداسىنا, تۇرمىستىق زورلىق-زومبىلىققا, ۆانداليزمگە قارسى ٸس-قيمىلىن, بيزنەستٸ نەگٸزسٸز قىلمىستىق قۋدالاۋعا جول بەرمەۋ جۇمىستارىن تيٸمدٸ ٷيلەستٸرۋ ماڭىزدى ەكەنٸن اتاپ ٶتتٸ.
