مىسالى، 0-20-25، 5-19-25، 5-10-25 سىندى ءتۇرلى اكسيالار پايدا بولدى. الايدا ولاردىڭ شارتتارى "7-20-25" باعدارلاماسىنىڭ شارتتارىنا مۇلدەم سايكەس كەلمەيدى. ولاردىڭ "7-20-25" باعدارلاماسىنا ەش قاتىسى جوق. "باسپانا" يپوتەكالىق ۇيىمى، كەيىن ءتۇرلى تۇسىنىسپەۋشىلىكتەر تۋىنداماۋ ءۇشىن، حالىقتى مۇنداي اكسيالار مەن جارناماعا وتە ساق بولۋعا شاقىرادى. مىسالى، 25 - جىلىنا بەرىلەتىن نەسيە ەمەس، 25 ايعا عانا سوزىلعان نەسيە بولۋ مۇمكىن. سونىمەن قاتار، كەي كەزدەرى مۇنداي اكسيالاردا 20 سانى العاشقى جارنا ەمەس، نەسيە بويىنشا ۇستەمە مولشەرلەمەسى بولىپ شىعادى.
"7-20-25" باعدارلاماسى بويىنشا يپوتەكالىق نەسيەنى تەك قانا باعدارلامانىڭ سەرىكتەس-بانكتەرى بەرە الاتىنىن ەسكە سالامىز. قازىرگى تاڭدا، ولار: سەنتركرەديت بانكى، اتفبانك، سەسنابانك، Bank RBK مەن ەۆرازيالىق بانك. ال قۇرىلىس كومپانياسى نەمەسە تۇرعىن ءۇي كووپەراتيۆتەرى ەش ۋاقىتتا "7-20-25" باعدارلاماسىمەن نەسيە بەرە المايدى. سونىمەن بىرگە، قۇرىلىس كومپانياسى ۇسىنعان ءبولىپ تولەۋ "7-20-25" باعدارلاماسى بولىپ تابىلمايدى.
"بۇگىنگى تاڭدا "7-20-25" باعدارلاماسىنىڭ شارتتارى نارىقتاعى ەڭ ءتيىمدى ۇسىنىس بولىپ وتىر. تيىسىنشە، وسى نارىقتاعى ءتۇرلى كومپانيالاردىڭ پرەزيدەنتتىك باعدارلامانىڭ اتىن جامىلىپ، ءوز ونىمدەرىن وتكىزۋگە ۇمتىلاتىندارى دا بايقالادى. ءبىز نارىقتىڭ دامۋىن قولدايمىز، الايدا ولاي حالىقتى الداۋعا تۇبەگەيلى قارسىمىز"، - دەدى، "باسپانا" يپوتەكالىق ۇيىمىنىڭ باسشىسى قايرات التىنبەكوۆ.
"باسپانا" يپوتەكالىق ۇيىمى ماماندارى، ءۇي باعاسى مەن نەسيە مەرزىمىنە سايكەس، اي سايىنعى تولەمدەردىڭ كەستەسىن ازىرلەدى. كەز-كەلگەن جاعدايدا، ارتىق تولەمدەرگە بوي الدىرماس ءۇشىن، كەستەنى پايدالانۋعا كەڭەس بەرەمىز.
| ءۇي باعاسى | نەسيە مەرزىمى 5 جىل | نەسيە مەرزىمى 10 جىل | نەسيە مەرزىمى 15 جىل | نەسيە مەرزىمى 20 جىل | نەسيە مەرزىمى 25 جىل |
| 5 ملن. تگ. | اي سايىنعى تولەم
79 205 تگ. |
اي سايىنعى تولەم
46 443 تگ. |
اي سايىنعى تولەم
35 953 تگ. |
اي سايىنعى تولەم
31 012 تگ. |
اي سايىنعى تولەم
28 271 تگ. |
| 10 ملن. تگ. | اي سايىنعى تولەم 158 410 تگ. | اي سايىنعى تولەم
92 887 تگ. |
اي سايىنعى تولەم 71 906 تگ. | اي سايىنعى تولەم 62 024 تگ. | اي سايىنعى تولەم 56 542 تگ. |
| 15 ملن. تگ. | اي سايىنعى تولەم 237 614 تگ. | اي سايىنعى تولەم 139 330 تگ. | اي سايىنعى تولەم 107 859 تگ. | اي سايىنعى تولەم 93 036 تگ. | اي سايىنعى تولەم 84 814 تگ. |
| 20 ملن. تگ. | اي سايىنعى تولەم 316 819 تگ. | اي سايىنعى تولەم 185 774 تگ. | اي سايىنعى تولەم 143 813 تگ. | اي سايىنعى تولەم 124 048 تگ. | اي سايىنعى تولەم 113 085 تگ. |
| 25 ملن. تگ. | اي سايىنعى تولەم 396 024 تگ. | اي سايىنعى تولەم 232 217 تگ. | اي سايىنعى تولەم
179 766 تگ. |
اي سايىنعى تولەم 155 060 تگ. | اي سايىنعى تولەم
141 356 تگ. |
«باسپانا» يپوتكالىق ۇيىمىنىڭ سىرتقى كوممۋنيكاسيالار قىزمەتى
