2019 جىلعى 13 قازاندا كەشكى ساعات 21:00 شاماسىندا تەمىرتاۋ – نۇرا –نۇر-سۇلتان تاس جولىندا، احمەت نۇرا اۋىلىنىڭ ايماعىندا 34 جاستاعى ەرلان ومارقۇلوۆتى كولىك قاعىپ كەتتى، ازامات وقيعا ورنىندا قازا تاپقان.
ءبىراز ۋاقىتتان كەيىن قازا تاپقان ەر ادامنىڭ تۋىستارى ۇلىن قاعىپ كەتكەن قارا لەكسۋستىڭ قازاقستاندىق شوۋ بيزنەستىڭ جۇلدىزى، كوميك تۇرسىنبەك قاباتوۆقا تيەسىلى ەكەنىن انىقتاعان.
وسى وقيعادان كەيىن ازىلكەش ءوزىنىڭ Instagram پاراقشاسىندا تۇسىنىكتەمە بەردى.
«اسسالاۋماعالەيكۋم، قازاق ەلى. ارمىسىزدار. جەلىدە، ءتۇرلى پاراقشالاردا تۇرسىنبەك قاباتوۆتىڭ كولىگى ادام قاعىپ كەتىپتى دەگەن اقپاراتتار تاراپ جاتىر. Cوندىقتان شىندىقتى ءوزىم ايتقاندى ءجون كورىپ وتىرمىن. ۇندەمەي وتىرا المادىم. اللا تاعالا كۋا. مەن بۇل ءىستىڭ باسىندا بولعان ەمەسپىن. بۇل ءبىر جىل بۇرىن 2019 جىلدىڭ قازان ايىندا بولعان وقيعا. مەنىڭ كومەكشىم، مۋزىكانتىم كەشكە كەلىپ، "ءبىر جەرگە بارىپ كەلەيىن" دەپ كولىك سۇرادى. ويىمدا ەشتەڭە جوق. كىلتتى بەرە سالدىم. جىگىتتەر جاعى تۇسىنەدى. ارتى بۇلاي اياقتالادى دەپ ويلاعان جوقپىن.
كەيبىر اقپارات بەتتەرىندە تۇرسىنبەكتىڭ جۇرگىزۋشىسى دەپ بەرىپتى. مەنىڭ جۇرگىزۋشىم جوق. كولىكتى ءوزىم باسقارامىن. ونىڭ بۇرىن كولىك جۇرگىزۋشى كۋالىگىن كورگەنمىن. سول ۋاقىتتا قۇجاتىنان ايىرىلىپ قالعانىن بىلمەيدى ەكەنمىن. ول دا ايتقان جوق. ارتىنان وسىنداي وقيعانىڭ قاراعاندى تاس جولىندا بولعانىن ەستىدىم. توبەمنەن جاي تۇسكەندەي بولدى. وڭاي بولعان جوق. سۇراستىرا كەلە، مارقۇم ءوزى كىنالى ەكەن. كىشكەنە ىشكەنى بار. «جولعا جۇگىرىپ شىققان» دەيدى. ءقازىر مارقۇمنىڭ ارتىنان ەشتەڭە ايتقىم كەلىپ تۇرعان جوق. بارلىعى "دەلادا" جازىلدى. كۋاگەرلەر بار. سودان الگى جىگىتكە "قولىڭمەن ىستەگەندى موينىڭمەن كوتەر، مەن ارالاسپايمىن" دەپ ايتتىم. بىرەۋلەر تۇرسىنبەك شەشىپ تاستادى، اقشا بەردى دەپ جاتىر. مەن ەشكىمگە حابارلاسقان جوقپىن، بۇل ىسكە ارالاسقان ەمەسپىن» دەپتى.
ال مارقۇمنىڭ اناسى اۆتوموبيل يەسىنىڭ تانىمالدىلىعى ىسكە اسەر ەتكەنىنە سەنىمدى. ونىڭ ۇستىنە، ول پروكۋرورعا جازعان شاعىمىندا ءىس ءتىپتى ورەسكەل پروسەسسۋالدىق بۇزۋشىلىقتارمەن توقتاتىلعانىن كورسەتتى.
جول-كولىك وقيعاسى كەزىندە تۇرسىنبەك قاباتوۆتىڭ كولىگىن باسقارعان جۇرگىزۋشى رەتىندە ءىس ماتەريالدارى بويىنشا 25 جاستاعى جىگىت ءوتىپ جاتىر، ول وقيعاعا دەيىن جۇرگىزۋشى كۋالىگىنەن ايىرىلعان، بۇل، ارينە، وعان اۆتوكولىكتىڭ ساقتاندىرۋ ءپوليسىن جاساۋعا كەدەرگى كەلىترمەگەن، ساقتاندىرۋ پوليستىنە ودان باسقا تۇرسىنبەك قاباتوۆ پەن ونىڭ تۋعان اعاسى جازىلعان.
جالعىز ۇلىنان ايىرىلعان مارقۇمنىڭ اناسى داجان ومارقۇلوۆا نەلىكتەن كوپشىلىكتىڭ سۇيىكتىسى ءالى كۇنگە دەيىن جازاعا تارتىلماعانىن تۇسىنبەيدى. ونىڭ ايتۋىنشا، ءىس ماتەريالدارىندا تۇرسىنبەك قاباتوۆ ءوز كولىگىن سەنىپ تاپسىرعان ادامنىڭ كۋالىگىنەن ايىرىلعانىن بىلگەن جانە اۆتوكولىك قۇرالىنىڭ يەسى رەتىندە جاۋاپ بەرۋى ءتيىس.
پروكۋروردىڭ اتىنا جاسالعان شاعىمدا ايەل تەرگەۋشى جابىرلەنۋشى تاراپتىڭ قاتىسۋىنسىز تەرگەۋ جۇرگىزگەنىن مالىمدەدى. ونىڭ ۇستىنە، ول پروكۋراتۋرانىڭ كەلىسىمىنسىز، قىلمىستىق ءىستى توقتاتۋ تۋرالى شەشىمنىڭ بەكىتىلۋىن كۇتپەستەن، ايعاقتى زاتتاردى – ۇلىنىڭ زاتتارى مەن اياق كيىمدەرىن مەرزىمىنەن بۇرىن جويىپ جىبەرگەن.
مارقۇمنىڭ اناسىنا ەشكىم جازباشا حابار بەرمەگەن، ۇلىنىڭ زاتتارىن الىپ كەتۋدى ايتپاعان. وسىلايشا، ونى كولىك قۇرالى قاعىپ كەتكەن كەزدە ادامنىڭ تۇرعانىن نەمەسە ءجۇرىپ كەلە جاتقانىن انىقتايتىن اياق كيىم بويىنشا سوت ساراپتاماسىن جۇرگىزۋ مۇمكىندىگىنەن ايىرعان.
سەبەبى، جۇرگىزۋشى دادجان ومارقۇلوۆانىڭ ۇلى جولدىڭ ءجۇرۋ بولىگىنەن ءوتىپ كەتتى دەپ مالىمدەدى، جاپا شەگۋشىنىڭ اناسى وعان سەنىپ وتىرعان جوق.
دادجان ومارقۇلوۆا ءوز مالىمدەمەسىندە جۇرگىزۋشى كىناسىن باسقا تۇلعاعا اۋىستىرۋعا تىرىسقانىن جانە جاياۋ جۇرگىنشىنى تىركەمەسى بار كولىك قاعىپ، ونى شامامەن 25-30 مەترگە سۇيرەپ اپارعانىن ايتادى.
