ءمينيستردىڭ دەرەگىنشە، مەملەكەتتىك بيۋدجەتتىڭ شىعىستارى 98،6%-كە، رەسپۋبليكالىق بيۋدجەتتىڭ شىعىستارى – 99،3%-كە، جەرگىلىكتى بيۋدجەتتەردىڭ شىعىستارى 98،3%-كە ورىندالدى.
«رەسپۋبليكالىق بيۋدجەت بويىنشا سوماسى 14،5 ترلن تەڭگەگە شىعىستار جۇرگىزىلدى. اتقارىلماۋ 107 ملرد تەڭگەنى، ونىڭ ىشىندە ۇنەمدەۋ – 21 ملرد تەڭگە.
يگەرىلمەگەنى – 86 ملرد تەڭگە. يگەرىلمەۋدىڭ نەعۇرلىم ءىرى سومالارى توتەنشە جاعدايلار، ەكولوگيا جانە تابيعي رەسۋرستار، تۋريزم جانە سپورت، سونداي-اق ىشكى ىستەر مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: كونكۋرستىق راسىمدەردى ۇزاق مەرزىمدە وتكىزۋ؛ شارتتاردى، قوسىمشا كەلىسىمدەردى جاساسۋ راسىمدەرىن دەر كەزىندە وتكىزبەۋ؛ شوت-فاكتۋرالارمەن اتقارىلعان جۇمىس اكتىلەرىن ۋاقتىلى ۇسىنباۋ جانە باسقالارى»، – دەدى ەرۇلان جاماۋبايەۆ.
