الماتى بيلٸگٸ بۇرىنعى پرەزيدەنت رەزيدەنتسيياسىنىڭ ورنىن اباتتاندىرۋ ٷشٸن جەكە ينۆەستيتسييا تارتقان. رەسمي مەلٸمەت بويىنشا, 2,2 ملرد تەڭگە كٶلەمٸندەگٸ قارجىنى نۇرلان سماعۇلوۆتىڭ قورى, سونداي-اق Qazaq Stroy مەن Orbis Kazakhstan كومپانييالارى ٶتەۋسٸز نەگٸزدە بٶلگەن, دەپ حابارلايدى Dalanews.kz.
قۇرىلىس جۇمىستارى ەكٸ كەزەڭمەن جٷزەگە اسادى. بٸرٸنشٸ كەزەڭ اياسىندا 944,5 ملن تەڭگەگە (ققس-مەن) دەمونتاج جەنە اباتتاندىرۋ جۇمىستارى جٷرگٸزٸلٸپ جاتىر.
ەكٸنشٸ كەزەڭدە ەكٸ قاباتتى جەراستى اۆتوتۇراعى سالىنباق. بۇعان قوسا, ينجەنەرلٸك جەلٸلەردٸ تارتۋعا بيۋدجەتتەن شامامەن 940 ملن تەڭگە بٶلٸنگەن.
ەسكە سالايىق, قاڭتار وقيعاسى كەزٸندە قالالىق ەكٸمدٸك عيماراتى مەن پرەزيدەنت رەزيدەنتسيياسىن باسىپ العاندار سوتتالعانى تۋرالى جازعان ەدٸك.
الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 11 سوتتالۋشىعا, جاپپاي تەرتٸپسٸزدٸكتەر مەن شابۋىلدارعا قاتىسقاندارىنا, كٷزەتٸلەتٸن وبەكتٸلەر جەنە ولاردى باسىپ الۋ, سونداي-اق بيلٸك ٶكٸلدەرٸنە قارسى زورلىق-زومبىلىق قولدانۋعا (272-باپ,269-1-باپ 3-باپ 380-باپ) قاتىستى قىلمىستىق ٸس قارالدى.
2022 جىلدىڭ 4-5 قاڭتارىندا سوتتالۋشىلار جاپپاي تەرتٸپسٸزدٸكتەرگە قاتىسىپ, قورعالاتىن وبەكتٸلەرگە – الماتى قالاسىنىڭ ەكٸمدٸگٸنە, پرەزيدەنت رەزيدەنتسيياسىنا, پوليتسييا بٶلٸمٸنە زاڭسىز كٸردٸ. سوتتالۋشىلاردىڭ قىلمىستىق ەرەكەتتەرٸ سالدارىنان مٷلٸكتەر قيراپ, زارداپتارى اۋىر بولعان.
تەرتٸپسٸزدٸك بارىسىندا ٷش سوتتالۋشى قوعامدىق تەرتٸپ ورناتۋ جٶنٸندە شارالار قابىلداعان ەسكەري قىزمەتشٸلەر مەن قۇقىق قورعاۋ ورگاندارىنىڭ قىزمەتكەرلەرٸنە زورلىق-زومبىلىق كٶرسەتتٸ.
ال, سوتتالۋشىلاردىڭ بٸرەۋٸ ەكٸ ەسكەري كۋرسانتتى تۇتقىنعا الىپ, ولارعا جەڭٸل دەنە جاراقاتتارىن كەلتٸرگەن. سوتتالۋشىلار كٸنەسٸن جارتىلاي مويىندادى.
قانداي جازا تاعايىندالدى?
بۇل قىلمىستار اۋىر جەنە اسا اۋىر قىلمىستار ساناتىنا جاتادى.جازا تاعايىنداۋ كەزٸندە سوت جاۋاپكەرشٸلٸكتٸ جەڭٸلدەتەتٸن جاعدايلاردى ەسكەردٸ: سوتتالۋشىلاردىڭ كەمەلەتكە تولماعان بالالارىنىڭ بولۋىن, دەنساۋلىق جاعدايلارىن, وتباسىلىق جاعدايلارىن جەنە بۇرىن سوتتى بولماعاندارىن.
جوعارىدا ايتىلعانداردى ەسكەرە وتىرىپ, سوت 10 سوتتالۋشىنى قك 272-بابىنىڭ 2-بٶلٸگٸ, 380-بابىنىڭ 3-بٶلٸگٸ, 269-بابىنىڭ 3-بٶلٸگٸ-1), 4), تارماقشالارى بويىنشا كٸنەلٸ دەپ تاپتى. "راقىمشىلىق تۋرالى" قر زاڭى قولدانىلا وتىرىپ, ولاردىڭ ەرقايسىسى 1 جىلعا 9 ايعا باس بوستاندىعىنان ايىرىلدى.
بٸر سوتتالۋشى قك 272-بابىنىڭ 2-بٶلٸگٸ, 380-بابىنىڭ 3-بٶلٸگٸ, 1), 4) تارماقتارى, 269-1-بابىنىڭ 3-بٶلٸگٸ, 261-بابىنىڭ 3-بٶلٸگٸ بويىنشا كٸنەلٸ دەپ تانىلدى, وعان "راقىمشىلىق تۋرالى" قر زاڭى قولدانىلا وتىرىپ, 4 جىلعا باس بوستاندىعىنان ايىرۋ جازاسى قولدانىلدى.
ٷكٸم زاڭدى كٷشٸنە ەنگەن جوق.
