مەجٸلٸس دەپۋتاتى رينات زايىت كەيٸنگٸ ۋاقىتتاعى ەڭ ٶزەكتٸ مەسەلەلەرگە پٸكٸر بٸلدٸردٸ. ونىڭ ٸشٸندە قازاق تٸلٸنٸڭ جاي-كٷيٸ, رەسەي سالاتىن اەس, ت.س.س. تاقىرىپتار بار, دەپ حابارلايدى Dalanews.kz.
جۋىردا دەپۋتات مەجٸلٸس مٸنبەرٸندە ورىس تٸلٸندە سۇراق قويدى. رينات زايىت بۇل ەرەكەتٸن "مەنٸ مەجبٷرلەدٸ" دەپ تٷسٸندٸردٸ.
"ٶتكەندە "ياندەكستٸڭ" قوسىمشاسى شىعىپتى, سۇراق قويدىم. "نەگە "ياندەكستٸ" اشقاندا بٸرٸنشٸ ورىس تٸلٸندە سٶيلەيسٸڭدەر?" دەسەم, "قازاق تٸلٸنە اۋدارىپ الۋعا بولادى عوي" دەيدٸ. نەگە مەن قازاقستاندا تۇرىپ قازاق تٸلٸنە اۋدارۋىم كەرەك? بٸرٸنشٸ قازاق تٸلٸندە شىعۋى كەرەك قوي. وسىنداي ەڭگٸمەلەر بارىنا قاراماستان, "باسقا ۇلتتار قىسىم كٶرٸپ جاتىر" دەپ شۋىلداعىش ادامدار كٶپ. سولارعا دەلەل بولسىن دەپ زاڭ شىعارۋشى ورگاننىڭ ٶزٸندە دەپۋتاتتىڭ ٶزٸ مەجبٷر بولادى, مەنٸ مەجبٷرلەپ تۇر عوي. قويعان سۇراعىمدى تٷسٸنبەي تۇرسا, مەجبٷر بولماعاندا قايتەمٸن?! جالعىز دەنساۋلىق ساقتاۋ مينيسترلٸگٸنە قاتىستى ەمەس, كٶپ مينيسترلٸككە قاتىستى", - دەدٸ ول Bilgen durys ارناسىنا بەرگەن سۇحباتىندا.
قازاق تٸلٸن تالاپ ەتۋ جابايىلىق پا? دەپۋتاتتىڭ پٸكٸرٸنشە, قۇلدىق سانانىڭ, باسىمىزدان ٶتكەن قۇلدىق دەۋرەننٸڭ وسىنداي سالدارى بار.
"ورىسشا سٶيلەۋدٸ ٷستەمدٸك كٶردٸ عوي كەزٸندە, ەلٸ سولاي دەپ ويلايدى. قازٸر ترەندە مٷلدەم باسقا نەرسە. قازٸر مودا ەمەس, ويلارىنان الىپ تاستاسىن, كەرٸسٸنشە قازاقشا بٸلمەۋ ۇيات. بٸراق اتا-اناسى - بەرٸ سول تەربيەمەن ٶسكەننەن كەيٸن ەلٸ كٷنگە دەيٸن ورىس تٸلٸن بٸلۋ ٷستەمدٸك دەپ ويلايدى", - دەدٸ ول.
رينات زايىت اەس-تٸ رەسەي سالاتىنىنا قاتىستى دا پٸكٸر بٸلدٸردٸ.
"رەسەي سالۋىنا قارسىمىن. ەلٸ دە قارسىمىن. بۇلارعا قازٸر ساۋال جولداساڭ, "ناقتى شەشٸم قابىلدانعان جوق, رەسەي سىرتىن عانا سالادى" دەيدٸ. ٶز باسىم رەسەي سالۋىنا قارسىمىن. جالعىز مەن ەمەسپٸن-اۋ. رەسەيدٸڭ تەحنولوگيياسى, باعاسى جاقسى دەگەندٸ قىپ-قىزىل ٶتٸرٸك دەپ ويلايمىن. سەبەبٸ رەسەيدٸڭ قازٸر قانداي دا بٸر اۋقىمدى قۇرىلىس جٷرگٸزەتٸن جاعدايى جوق. ونىڭ سالىپ جاتقان اەس-تەرٸ بٸر توقتاپ, بٸر ىرعالىپ-جىرعالىپ جٷر. ولاردا بٸر-اق ماقسات بار دەپ ويلايمىن. ولار وسى جوبانىڭ ارقاسىندا اقشا تاپقىسى كەلٸپ وتىر. بولدى. رەسەيگە ەنەرگييالىق تەۋەلدٸلٸككە قايتادان ۇشىرايتىن بولساق, وندا بۇل جوبانىڭ قۇنى بٸز ٷشٸن كٶك تيىن دەپ ويلايمىن. ەنەرگييالىق تەۋەلدٸلٸكتٸ بٸزدٸڭ مەملەكەتكە قارسى جاسالعان ەرەكەت دەپ ويلايمىن. قانداي دا بٸر ٸرگەلەس كٶرشٸمٸزدٸڭ ەنشٸسٸنە ەنەرگييامىزدى بايلاپ بەرەتٸن بولساق, قانداي سىلتاۋ ايتىلماسىن وعان قارسىمىن. ٸرگەلەس ەمەس مەملەكەتتەر كەلە بەرسٸن", - دەدٸ ول.
دەپۋتات وسىنداي جايتتاردان كەيٸن مەجٸلٸستەن تٷڭٸلٸپ كەتتٸ مە? ساۋالعا ٶزٸ جاۋاپ بەردٸ.
"سالالىق جۇمىس ٸستەگٸم كەلەدٸ. سالالىق جۇمىستا ناقتى ماقساتىڭ, ۋاقىتى بولادى, سوعان جەتۋگە اسىعاسىڭ, جۇمىسىڭنىڭ نەتيجەسٸن كٶرەسٸڭ. ال مەجٸلٸستە بيىل قابىلداعان زاڭنىڭ نەتيجەسٸن ەكٸ-ٷش جىلدان كەيٸن بٸر-اق كٶرەسٸڭ. ناقتىلىق كٶرٸنبەيدٸ. ونداي مٷمكٸندٸك جوق. تۇرعىن ٷيدٸڭ مەسەلەسٸنەن باستاپ قىلمىستىق ٸستەرگە دەيٸن ەكەلە بەرەدٸ. ونىمەن اينالىسپاۋعا قاقىڭ جوق. بەرٸمەن اينالىسۋعا مەجبٷر بولاسىڭ. بٸرەۋٸنەن العىس, بٸرەۋٸنەن قارعىس ەستيسٸڭ. دەپۋتاتتىق مانداتتى ٶتكٸزٸپ, كەتٸپ قالۋعا اقىلدى قازاقتار, اقىلدى جۋرناليستەر شىعادى. "سوندا سٸز قانشاما سايلاۋشىعا ۋەدە بەرٸپ الىپ, نەگە قاشىپ كەتتٸڭٸز?" دەيدٸ. ول ماعان قاجەت پە? ورىنسىز, جٶنسٸز سىننان شارشاپ كەتتٸم. قازٸر ونداي ەڭگٸمەلەرگە سەبەپ بەرگٸم كەلمەيدٸ", - دەدٸ ول.
جۋىردا ەكس-پرەزيدەنت نۇرسۇلتان نازارباەۆتىڭ مەسكەۋگە ساپارىنان كەيٸن قوعامدا تٷرلٸ الىپ-قاشپا ەڭگٸمەلەر تاعى دا جەلدەي ەستٸ. رينات زايىت بۇل تاقىرىپ تۋراسىندا دا پٸكٸر بٸلدٸردٸ.
"بٸزدە بەرٸ مٷمكٸن نەگٸزٸندە (2029 جىلى نازارباەۆ ٶز كانديداتۋراسىن ەكەلۋٸ مٷمكٸن بە دەگەن ساۋالعا - ەسك.). ونى قولداپ وتىرعان توپ از ەمەس, مويىنداۋ كەرەك, جاسىرماۋ كەرەك. قاراپايىم حالىقتىڭ ٸشٸنەن ايتىپ وتىرمىن. بٸر رەت مەشٸتكە دە كٸرٸپ شىقتى عوي. قاي جەرگە اپارساڭ دا ەشكٸم بەتٸنە شىعىپ, "سەن, حالىقتى تونادىڭ" دەپ ايتپايدى. كەرٸسٸنشە بٸزدٸڭ قازاق "باتا بەرٸڭٸز" دەپ ايتادى. سوسىن ٷيٸنە بارىپ, "اناۋ وڭباعان بٸزدٸ تونادى" دەپ ايتادى. 2029-دا كەلە مە, مەن تاڭعالمايمىن, بٸزدە قازاقستاندا بەرٸ مٷمكٸن. مٷمكٸن ەمەس دەۋگە بولمايدى", - دەدٸ ول.
