قازاقستاننىڭ ونەركاسىپ جانە قۇرىلىس ءمينيسترى ەرسايىن ناعاسپايەۆ جاڭا سالىق كودەكسى كۇشىنە ەنگەن سوڭ جىلجىمايتىن مۇلىك قۇنىنىڭ قىمباتتاۋ ىقتيمالدىعىنا قاتىستى پىكىر ءبىلدىردى، دەپ حابارلايدى Dalanews.kz.
ءمينيستردىڭ ايتۋىنشا، ۆەدومستۆو جەكەمەنشىك قۇرىلىس كومپانيالارىنىڭ باعاسىن رەتتەمەيدى – قۇن نارىق زاڭدىلىقتارىنا سايكەس قالىپتاسادى جانە سۇرانىسقا تاۋەلدى.
قازىرگى ۋاقىتتا نارىقتا سۇرانىستىڭ كۇرت ارتۋى بايقالىپ وتىر، بۇل جاعدايدى قۇرىلىس كومپانيالارى ودان ءارى قىزدىرىپ، باعا ساياساتىنا اسەر ەتىپ جاتىر.
"باعاعا ءارقاشان اجيوتاجدىق سۇرانىس ىقپال ەتەدى. مەنىڭ ويىمشا، نارىق ءدال سول سۇرانىستىڭ اسەرىنەن قىزىپ تۇر. باعانىڭ ءسىز ايتقانداي 30 پايىزعا وسەتىنىنە نەگىز كورىپ تۇرعان جوقپىن"، – دەدى ەرسايىن ناعاسپايەۆ.
