2026 جىلى قازاقستان سيرەك مەتالدار توبىنا جاتاتىن گالليي مەن سۋرما ءوندىرىسىن ىسكە قوسۋدى جوسپارلاپ وتىر، دەپ حابارلايدى Dalanews.kz.
گالليي ءونىمىن قازاقستان جاپوندىق Mitsubishi Corporation كومپانياسىنا جەتكىزەدى. بۇل جونىندە تاراپتار وتكەن جىلدىڭ جەلتوقسان ايىندا كەلىسىمشارتقا قول قويعان. ال سۋرما اقش پەن ەۋروپالىق وداق ەلدەرىنە ەكسپورتتالادى.
گالليي سمارتفوندارعا ارنالعان جارتىلاي وتكىزگىشتەر، جارىقديودتار، لازەرلەر جانە كۇن باتارەيالارىن وندىرۋدە كەڭىنەن قولدانىلادى.
ال سۋرما قورىتپالاردىڭ قاتتىلىعى مەن بەرىكتىگىن ارتتىرۋ ءۇشىن پايدالانىلادى. بۇل مەتالل ەلەكترونيكا وندىرىسىندە، سونداي-اق قورعانىس ونەركاسىبىندە ماڭىزدى ءرول اتقارادى.
