[caption id="attachment_31438" align="alignleft" width="203"]
فوتو. سامات مىرزالييەۆ.[/caption]
– جالپى وبلىس حالقى جىلىنا 1،1 ملرد. م3 تابيعي گاز تۇتىنادى. ونىڭ 840 ملن.م3 قىس ماۋسىمىندا، ال 293 ملن.م3 جاز ماۋسىمىندا. ءبىزدىڭ ءوڭىر تابيعي گازبەن 3 باعىت ارقىلى قامتاماسىز ەتىلەدى. ولار: وزبەكستان رەسپۋبليكاسىنىڭ «گازلي-شىمكەنت» جانە «بگر-تبا» ماگيسترالدى گاز قۇبىرلارى، وتاندىق «بەينەۋ-بوزاي-اقبۇلاق» ماگيسترالدى گاز قۇبىرى، تۇركمەنستان رەسپۋبليكاسىنىڭ «قازاقستان-قىتاي» ترانزيتتىك ماگيسترالدى گاز قۇبىرلارى، – دەدى مارعۇلان زۇلحارناي ۇلى.
ودان بولەك، باسقارما باسشىسى شىمكەنت قالاسى اۋماعىندا 509 نىسان گاز قۇبىرلارىن قورعاۋ ايماعى شەگىن بۇزىپ ورنالاسقاندىعىن جەتكىزدى. بۇل ءوز كەزەگىندە سول ماڭدا ورنالاسقان عيماراتتار مەن تۇرعىنداردىڭ ومىرىنە ەلەۋلى ءقاۋىپ تۋعىزىپ وتىر.
ماجىلىستە ءسوز العان وبلىس اكىمى ەڭ ءبىرىنشى كەزەكتە جىلىتۋ ماۋسىمىنا دايىندىق جۇمىستارىن تاعى دا پىسىقتاپ، توتەنشە جاعدايلاردىڭ ورىن الماۋىنا ءمان بەرۋدى جۇكتەدى.
– شىمكەنت قالاسىن قىسقى ماۋسىمعا دايىندىق جۇمىستارىن تولىق قاداعالاۋدا ۇستاۋ كەرەك. سونداي-اق، توتەنشە جاعدايلاردى الدىن الۋعا ءمان بەرگەن ءجون. وزدەرىڭىزگە ءمالىم، بيىلعى جىلى 8 قاڭتاردا گاز جۇيەسى اقاۋىنان جارىلىس بولعانىن. ال ەندى قىس الدىمىزدا كەلە جاتىر، وسىعان وراي باسقارما جانە اكىمشىلىك بىرلەسىپ اۆتوماتتى جىلىتۋ جۇيەلەرى ورناتىلعان تۇرعىن ۇيلەرگە تۇگەندەۋ جۇمىسىن جۇرگىزسىن. ەكىنشىدەن، گاز قۇرالدارىنىڭ قاۋىپسىزدىگىن تەكسەرەتىن تەحنيكالىق ينسپەكسيا قۇرىلۋى ءتيىس، – دەدى اكىم.
حالىقتىڭ قاۋىپسىزدىگى باستى نازاردا بولۋ كەرەك ەكەنىن ايتقان ايماق باسشىسى ءاربىر باسشى ءوز فۋنكسيونالدى قىزمەتتەرىن دۇرىس اتقارۋ تالاپ ەتىلەتىنىن جەتكىزدى.
[caption id="attachment_31439" align="alignright" width="400"]
فوتو. سامات مىرزالييەۆ.[/caption]
ودان بولەك، اكىم سارىاعاش، ماقتارال، تولەبي اۋداندارىندا ءبىرقاتار مەكتەپتەردىڭ جىلۋ جۇيەسى گازعا اۋىسپاعانىن ايتىپ. بۇل بويىنشا اۋدان، قالا اكىمدىكتەرىندە ارنايى كوميسسيا قۇرىلىپ، جۇمىستىڭ ورىندالۋىن باقىلاۋدى تاپسىردى.
ايتا كەتەيىك، وبلىستا جىلۋ بەرۋ ماۋسىمىنا دايىندىق جۇمىستارى ءساۋىر ايىنان باستالعان. اۋدان، قالا اكىمدىكتەرى مەن وبلىستىق باسقارمالاردىڭ مالىمەتىنە سايكەس، بارلىق دايىندىق جۇمىستارى 100 پايىز ورىندالىپ وتىر.
كومىر باعاسىن تۇراقتاندىرۋ بويىنشا باسقارما تاراپىنان كومىر جەتكىزۋشى مەكەمەلەرمەن كەلىسسوزدەر جۇرگىزىلگەن. ناتيجەسىندە ساتىلۋ باعاسىن مايكوبە كومىرىنىڭ 1 تونناسىن 12500 تەڭگەگە، ال شۇباركول كومىرىن 13 مىڭ تەڭگەگە دەيىن تومەندەتۋگە قول جەتكىزىلىپ وتىر.
وقو اكىمىنىڭ باسپا ءسوز قىزمەتى
