19 جاستاعى سارباز مارات بارقۇلوۆتىڭ ولىمىندە كۇدىكتى وفيسەر 13 جىلعا سوتتالدى، دەپ حابارلايدى Dalanews.kz ۇلىسمەدياعا سىلتەپ.
سوت ۇكىمىمەن دامير دوسوۆ قىلمىستىق كودەكستىڭ 99-بابى 1-بولىگى (قاساقانا ءولتىرۋ) بويىنشا كىنالى دەپ تانىلىپ، 13 جىلعا باس بوستاندىعىنان ايىرىلدى. دوسوۆ وفيسەرلىك اتاعىنان ايىرىلدى.
بۇعان دەيىن سوت وتىرىسىندا پروكۋرور ساربازدى اتقان وفيسەردى 13 جىلعا سوتتاۋدى سۇراعان بولاتىن.
ايىپتاۋشى تاراپ سوتتالۋشىنىڭ تاپانشانىڭ وقتالعانىن بىلمەگەندىگى تۋرالى ۋاجدەرىن نەگىزسىز دەپ سانايدى.
بىرىنشىدەن، دامير دوسوۆ – وفيسەر، ول ءتيىستى دايىندىقتان ءوتىپ، ءارتۇرلى قارۋ تۇرلەرىنەن اتۋ بويىنشا ەمتيحاندار تاپسىرعان.
ەكىنشىدەن، سوت زالىندا سۇرالعان كۋاگەرلەر لەيتەنانتقا تاپانشا بەرىلگەن كەزدە نۇسقاۋ بەرىلگەنىن راستادى. اعا وفيسەر وعان «مىلتىقپەن ويناماۋعا جانە ونى ادامدارعا باعىتتاماۋعا» نۇسقاۋ بەردى.
جابىرلەنۋشىلەردىڭ وكىلى ازامات ساعال پروكۋرور سۇراعان جازامەن كەلىسەتىنىن اتاپ ءوتتى.
ەسكە سالايىق، بىرنەشە كۇن بۇرىن استاناداعى اسكەري سوتتا 19 جاستاعى سارباز مارات بارقۇلوۆتىڭ ولىمىنە قاتىستى العاشقى سوت وتىرىسى باستالدى.
قايعىلى وقيعا "باتىس" وڭىرلىك قولباسشىلىعى بولىمدەرىنىڭ جيىنى كەزىندە بولعان. سول تۇستا تاراعان اقپاراتقا قاراعاندا، ساعات 17:10 شاماسىندا لاگەر بويىنشا كەزەكشى، گۆارديا لەيتينانتى پم 9 مم تاپانشاسىنان وق اتقان.
اتىلعان وق قاتارداعى جاۋىنگەر مارات ەربول ۇلى بارقۇلوۆتىڭ بەتىنە تيگەن. سارباز اۋرۋحاناعا جەتكىزىلگەنىمەن ونى امان الىپ قالۋ مۇمكىن بولماعان. ساعات 17:40 شاماسىندا ول كوز جۇمعان.
