بۇگىن وبلىس اكىمى اماندىق باتالوۆ قازاقستان رەسپۋبليكاسىنىڭ 18 ميلليونىنشى تۇرعىنى دۇنيەگە كەلگەن تالدىقورعان قالاسىندا تۇراتىن بەستىبايەۆتار وتباسىنا ارنايى بارىپ قۇتتىقتاپ، جاس وتباسىعا 3 بولمەلى پاتەر بەرىلەتىنىن ايتتى. پەداگوگتار وتباسىنىڭ ەكىنشى پەرزەنتى مۋسليما سامات قىزى 18 ميلليونىنشى تۇرعىن اتانىپ وتىر، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
ەلباسىنىڭ اتىنان نارەستەگە ارنالعان قۇرال-جابدىقتار، اتاپ ايتقاندا بەسىك، توسەك، كولياسكا، ويىنشىقتار سەكىلدى قاجەتتىلىكتەردى سىيعا تارتقان وبلىس اكىمى ا. باتالوۆ:
– ەلىمىزدىڭ ون سەگىز ميلليونىنشى تۇرعىنىنىڭ الماتى وبلىسىنىڭ ورتالىعى تالدىقورعان قالاسىندا دۇنيەگە كەلگەنى – ءبارىمىز ءۇشىن ەرەكشە قۋانىشتى وقيعا. دەموگرافيالىق ءوسىمىنىڭ جىلدان جىلعا ۇلعايىپ كەلە جاتقانىحالىقتىڭەلباسىمىزدىڭ ساليقالى ساياساتىنا، قازاقستاننىڭ بولاشاعىنا دەگەن سەنىمىنىڭ زور ەكەنىن بىلدىرەدى. جاس ۇرپاقتىڭ الاڭسىز ءوسىپ، ءبىلىم الۋىنا ەلىمىزدە بارلىق جاعداي جاسالىپ كەلەدى. ەلباسىنىڭ اتىنان، جەتىسۋ جۇرتشىلىعىنىڭ اتىنان وسى ايتۋلى وقيعامەن شىن جۇرەكتەن قۇتتىقتايمىن. كىشكەنتاي نارەستە امان-ساۋ ءوسىپ، ەر جەتىپ، ەلدىڭ ابىرويلى ازاماتى بولسىن! – دەي كەلە، قالادا كۇزگە تاياۋ پايدالانۋعا بەرىلەتىن جاڭا تۇرعىن ۇيدەن جاس وتباسىنا 3 بولمەلى پاتەر بەرىلەتىنىن جەتكىزدى.
مۋسليمانىڭ اتاسى ەركىنبەك بەستىبايەۆ پەن اجەسى ءبيبىتاي جاسىبايەۆا كىشكەنتاي نارەستەگە، جاس وتباسىنا، جالپى ءوز اۋلەتتەرىنە كورسەتىلگەن ۇلكەن قۇرمەت پەن سىي ءۇشىن پرەزيدەنتكە، وبلىس باسشىلىعىنا ريزاشىلىعىن ءبىلدىردى.
- مۋسليما – ءبىزدىڭ جەتىنشى نەمەرەمىز. ءبىز ۇل-قىزدارىمىز بەن نەمەرەلەرىمىزدى ەلگە قىزمەت ەتەتىن، مەملەكەتىمىزدىڭ دامۋىنا ءوز ۇلەسىن قوساتىن بىلىكتى ازامات ەتىپ تاربيەلەۋگە بار كۇش-جۇمسايتىن بولامىز، - دەدى ءبيبىتاي اپا.
ءسابيدىڭ اناسى ديانا ومارحانوۆا 1991 جىلى تۋعان، قالاداعى № 16 مەكتەپتە دەفەكتولوگمامان بولسا، اكەسى بەستىبايەۆ سامات 1982 جىلى تۋعان، № 5 مەكتەپتە دەنە شىنىقتىرۋ ءپانىنىڭ ءمۇعالىمى.
ايتا كەتسەك، قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ مالىمەتى بويىنشا، 2017 جىلدىڭ 11 مامىرىندا قازاقستان رەسپۋبليكاسى حالقىنىڭ سانى 18 ملن.-عا جەتىپ، ەسەپ بويىنشا تالدىقورعان قالاسىندا تۋعان مۋسليما سامات قىزى 18 ميلليونىنشى تۇرعىن اتانعان.
