سينوپتيكتەر 14 ساۋىرگە ارنالعان اۋا رايى بولجامىن جاريالادى، دەپ حابارلايدى Dalanews.kz.
قازگيدرومەت مالىمەتىنشە، قازاقستان اۋماعىندا اۋا رايى قۇبىلمالى بولادى. كەي وڭىرلەردە جاڭبىر جاۋىپ، نايزاعاي ويناسا، باسقا ايماقتاردا جاۋىن-شاشىنسىز كۇن رايى ساقتالادى:
- باتىس جانە سولتۇستىك-باتىس وڭىرلەردە جاڭبىر جاۋىپ، كەي جەرلەردە نايزاعاي بولۋى مۇمكىن. كۇندىز اۋا تەمپەراتۋراسى +10+18°س شاماسىندا.
- سولتۇستىك جانە ورتالىق ايماقتاردا جاۋىن-شاشىن ارالاس (جاڭبىر مەن قار) كۇتىلەدى. كۇندىز +5+12°س، تۇندە ءالسىز ۇسىك بولۋى مۇمكىن.
- شىعىس وڭىرلەردە اۋا رايى سالقىنداۋ، جاۋىن-شاشىن بايقالادى. كۇندىز +5+10°س.
- وڭتۇستىك جانە وڭتۇستىك-شىعىستا كۇن جىلىراق بولادى: +15+25°س، كەي جەرلەردە وتكىنشى جاڭبىر جاۋادى.
رەسپۋبليكا بويىنشا جەل كۇشەيىپ، كەي وڭىرلەردە تۇمان تۇسەدى. سينوپتيكتەر اۋا رايىنىڭ قۇبىلمالى بولۋىنا بايلانىستى تۇرعىنداردى ساق بولۋعا شاقىرادى.
